跳去內容

文法體

出自維基百科,自由嘅百科全書

文法上講嘅粵讀:tai2;英文aspect)係一種文法範疇,指緊一句句子講緊嗰件動作點樣喺時間當中延伸,可以想像成「喺講嘢所指嘅嗰一刻時間,件事件發生到去邊一點」——件事件係啱啱開始仲進行緊抑或係已經搞掂咗?文法體通常係作用喺動詞身上嘅。

基本概念

[編輯]

用廿一世紀初嘅粵語做例,粵語起碼有進行式(件事件進行到半路)同埋完成式(件事件已經完結)呢兩種文法體:

進行式例句:「我洗衫。」「我游水。」「我飲茶。」
完成式例句:「我洗衫。」「我游水。」「我飲茶。」

gan2係表示「進行中」噉嘅意思,而zo2就係表示「已經完成」噉嘅意思。

廿一世紀初嘅中文書面語文法上基於普通話)都有類似嘅嘢,例如正在(進行中;通常擺喺動詞前面)同埋(已完成;傾向擺句子尾)等。

釐清概念

[編輯]

時態[e 1]呢個概念同文法體好相似,成日畀人攞嚟同文法體一齊講。一般認為,文法體講嘅係一件事件嘅「發生到去邊一點」,而時態講緊嘅就係「敘述緊嘅事件嘅時間」同「講嘢嗰刻嘅時間」之間嘅關係。文法體同時態都係涉及到一句說話指嗰件事件嘅時間特性,傾向施加喺動詞嗰度[1]

喺日常用語當中,啲人好多時都當咗文法體同時態都係時態概念嘅一部份[2] 。不過喺嚴格嘅語言學上,文法體同時態係兩個唔同嘅概念[註 1]。用粵語嚟想像嘅話:

過去 現在 將來
進行式 琴日呢個時間,我做緊嘢。 我依家做緊嘢。 聽日三點,我應該做緊嘢。
完成式 琴日呢個時間,我到咗廣州 我已經到咗廣州。 聽日三點,我應該到咗廣州。

分析方法

[編輯]

語言學家要分析一隻語言點樣表達時間資訊,不時會出現爭拗,可能會(例如)有一部份語言學家主張手上嗰隻語言嘅某啲文法變化雖然被稱為「時態」,但係佢哋睇勻一大堆嗰隻語言嘅語句,發覺嗰啲文法變化比較似係標示緊「一件事件係咪完結咗」,所以應該當係文法體至啱。

睇埋

[編輯]
  • 句尾助詞:粵語同好多東亞東南亞嘅語言都有豐富嘅句尾助詞,句尾助詞成日會標示文法體方面嘅資訊,例子可以睇吓粵語嘅laa3)。
  • 詞形變化:文法體方面嘅變化,成日會引致詞形變化。

外拎

[編輯]

參考

[編輯]

註解:

  1. 但事實係,文法體同時態並非完全獨立嘅:學者指人類傾向預設咗完成式係過去,進行式係現在。

篇文提咗嘅重要詞彙,英文版本如下:

  1. grammatical tense

篇文引用咗以下嘅學術文獻同埋網頁

  1. Comrie, B. (1986). Tense in indirect speech. Cambridge University Press.
  2. Penston, Tony (2005). A Concise Grammar for English Language Teachers. TP Publications. p. 17.