中文書面語
中文書面語（粵拼：zung1 man4 syu1 min2 jyu5）廣義上係指「用嚟表達漢語嘅文字」，喺現代一般係指官話白話文。
其實「中文書面語」呢隻字詞嘅定義係有些少含糊：喺廿世紀之前，中文書面語一般係指到咗清朝都仲用緊嘅文言文，而喺辛亥革命做嘅改革—白話文運動，主張「我手寫我口」—之後，中文書面語一般都係指官話白話文，即係用標準官話嘅文法同詞彙（例如用 A 的 B 嚟表示由 A 擁有嘅 B 呢種普通話口語講嘅句法）寫出嚟嘅文字[1]，而非粵文。
目前所謂嘅「白話文」原則上並不同任何單一中文分支掛鈎，但係唔同中文分支嘅使用者唔多唔少學過官話白話文，故可以提供識得唔同分支嘅人溝通嘅空間，只係官話白話文喺非官話嘅中文分支中通常並不符合文法。所謂通用中文，就係最大公約數、各方分支嘅人都能夠明日嘅白話文。[2]。
