翻譯

譯咗做漢字文章嘅《金剛經》

羅塞塔石碑

翻譯faan1 jik6（英文：translation）即係由一種語言轉換成第種語言來解釋。翻譯有講又有寫，講出來叫做口譯hau2 jik6，寫出來叫做筆譯bat1 jik6。翻譯係當人哋唔識聽嗰種語言先要用。

定位

响最抽象化（咩細節都唔諗住）嘅層面，翻譯呢樣工作嘅過程如下：

「

攞 input：來源語言嘅一段字； 畀 output：用目標語言表達（寫或者講出嚟）嘅一段字，依段 output 响意思上要同段 input 一樣；

」

依個過程就噉望落好似好簡單噉，但實際上幾難搞。

語義

首先，想像家吓要做英到粵翻譯，要將以下嘅句子譯做粵文：

I am eating the pasta that mom made.

原則上應該譯做：我食緊阿媽煮嘅意式麵。

直譯（direct translation）係最原始嗰隻做法，將 input 入面嘅字或者短語遂隻遂隻變做目標語言入面「對應」嘅字同短語，然後畀 output：

I → 我，am eating → 食緊，the → 嗰，pasta → 意式麵，that → 嗰個，mom → 阿媽，made → 整

Output：我食緊嗰意式麵嗰個阿媽整。

－依段 output 明顯九唔答八。

進一步啲諗可以噉：翻譯員可以考慮到「唔同語言喺文法上有差異」依樣事實。舉個例，唔同語言語序可以好唔同，有啲語言－好似係廣東話同英格蘭話－興用 SVO 型嘅句子，而又有啲語言－好似係日本話同尼泊爾話噉－就興用 SOV 型嘅句子；另一方面，英格蘭話興將一句關係子句擺喺句嘢褦住嘅名詞後面，而相比之下，廣東話通常會將啲噉嘅子句褦喺隻名詞前面，即係話

... the pasta that mom made.

－mom made（阿媽整）係一句關係子句，描述緊 the pasta（啲意式麵）；

但阿媽整嘅意式麵喺廣東話度聽落會比較似自然嘅名詞短語。

由上述例子睇得出，要將源文段字嘅意思完全噉解讀嗮出嚟，翻譯員實要分析嗮成段字嘅特徵：成個過程會要求翻譯員詳細了解隻語言嘅文法、語義、句法、慣用語，甚至係講嗰隻語言嗰班人嘅文化。同一道理，翻譯員亦都要對佢隻目標語言有咁上下認識。

依個簡體中文餐牌譯到鬼五馬六。事實表明，如果做翻譯嘅人對目標語言完全冇認識，出嘅 output 好多時令人啼笑皆非。 依個簡體中文餐牌譯到鬼五馬六。事實表明，如果做翻譯嘅人對目標語言完全冇認識，出嘅 output 好多時令人啼笑皆非。

概念

不可譯

不可譯（untranslatable）係做翻譯嗰陣時不時撞到嘅一個問題，指目標語言入面冇字可以對應來源語言嗰隻字。

例如廿一世紀初嘅德國話入面有隻噉嘅字

Kummerspeck（德文讀音： [ˈku mɜrˌʃpɛk]），名詞，意思係指一個人因為有排情緒低落喺度勁食嘢而增加咗嘅體重。

用法：「我早排考試衰咗就勁喺度食雪糕，而家啲 Kummerspeck 減唔返。點算好？」

呢隻噉嘅字喺同期嘅廣東話或者英格蘭話入面並冇對應，一個廿一世紀初嘅粵人或者英系白人可以理解到個概念，但佢哋語言搵唔到隻字去對應 Kummerspeck，所以如果（例如）有人想將一本用德文寫嘅長篇小說翻譯做粵文或者英文，撞到 Kummerspeck 呢隻字嗰陣就好可能會覺得「唔知點譯好」。

AI 技術

機械翻譯（MT）係指緊「教 AI 自動做翻譯」嘅工作。

睇埋

• 口譯
• 筆譯
• 借詞
• Duolingo

拎

• 維基同享中有關翻譯嘅資源類