口譯

口譯hau2 jik6，又稱通譯tung1 jik6。係一種翻譯嘅活動，顧名思義，就係指譯員用口語嘅形式，將譯入語轉換做譯出語。

口譯形式

口譯嘅進行方式，可以分為同步口譯同逐步口譯兩種。

同步口譯，係指譯員幾乎同時間翻譯講者嘅話。譯員一邊接收講者嘅訊息，一邊將訊息傳遞畀聽眾，所以需要多重任務處理能力。同步口譯經常應用喺正式嘅國際會議，譯員會喺後面嘅口譯室接收講者嘅訊息，然後喺咪高峯到翻譯，聽眾可以透過特殊設備聽到翻譯。除咗會議口譯，同步口譯仲有耳語口譯、電話口譯、手語口譯等類型。

逐步口譯或交替傳譯，係指講者講完一段話之後，譯員再逐一翻譯佢嘅講話。逐步口譯通常應用喺小型嘅會議或商務談判等場合。

呢篇同語言學有關嘅文係楔位文。歡迎幫維基百科擴寫佢。