歧義（粵音：kei4 ji6），又叫兩義或多義，指講或者寫出來嘅嘢可以解成幾種意思，範圍細可以一隻詞語，大可以到成篇文。講者無點明要解邊種意思，聽者有幾種解法。歧義同含糊有啲相似但唔一樣：歧義可以好明確，介定清晰，只係唔清楚揀邊個定義，含糊就唔明確，咩明確定義都冇。上文下理，有助搞清楚意思，解開歧義。
歧義喺英文叫 Ambiguity，可追至自拉丁文 ambigere，當中 ambi 為兩途，agere 為駛。
