可否證度
可否證度，粵拼：ho2 fau2 zing3 dou6，參見英文：falsifiability，又或者叫可證偽度，係科學哲學上嘅概念，通常認為係科學理論必需要有嘅特質。如果話某個理論可否證，意思即係指會個理論會作出一啲可以用實證嚟驗證嘅預測。攞住呢啲預測，求知者可以想像得到有最少一個可能嘅情況，一旦實際觀察到呢個情況，就會成功證實嗰句預測係錯誤嘅[1][2]。
廣義上，可否證度相關嘅討論，可以包埋個理論係咪會作出驗證到嘅預測，仲有係驗證預測要做嘅工序係咪可行。
可否證
[編輯]以下係可否證嘅諗頭嘅例子。
黑白天鵝
[編輯]古典力學
[編輯]例如萬有引力定律都有可否證性。萬有引力定律基本上係話：任意搵兩嚿有質量嘅物體，兩嚿物體會喺通過連心線方向上互相產生一鼓引力，吸引對方；呢股力嘅大細同佢哋嘅質量相乘成正比，同佢哋距離嘅平方成反比，同兩嚿物體嘅化學本質無關。牛頓佢仲提出咗一條方程式，計兩嚿嘢之間嘅引力：
萬有引力定律條方程式可否證：如果科學家搵到兩嚿物體，佢哋之間嘅引力
- 唔係同佢哋嘅質量相乘成正比；
- 唔係同佢哋距離嘅平方成反比；或者
- 同兩樣嘢嘅化學本質有關嘅話，
佢哋就可以否決條定律，又或者最少話條定律唔係萬有[註 1]。
無可否證
[編輯]而以下呢啲諗法，就被指係可否證性成疑。
玄術
[編輯]- 阿松：大師，今年阿明嘅人生會點呀？
- 大師：阿明佢今年可能會結婚。
- 一年後...
- 阿松：大師，阿明佢仲係單身喎。
- 大師：冇呀，我話佢今年可能會結婚啫嘛。
由此可見，無論結果阿明嘅人生走向係點，大師都可以搵到「解釋」，話佢本來嘅預測係「正確」嘅。無論結果係點，佢講嘅嘢都唔會受到否證。[3]
精神分析
[編輯]根據古典嘅精神分析理論，人嘅潛意識度有好多受壓抑住嘅慾望，而且精神分析學者仲時會討論呢啲慾望點樣引致精神病，但係對於要點樣量度呢啲慾望，套理論就冇咩標準。比如係抑鬱症噉：精神分析話，抑鬱症可以係因為人壓抑自己嘅慾望壓抑得太勁而搞出嚟嘅，但係就算個病人冇抑鬱症嘅症狀，個分析師都有可能會話
係因為個慾望太過壓抑，壓抑到出唔到症狀。
到咗最後，根本無法得知分析師係咪真係做咗準確嘅預測。到咗廿一世紀初，心理學界一般都視精神分析理論為偽科學－望落似科學，但查實唔合科學原則嘅學說[4]。
相關概念
[編輯]同可否證度相關嘅科研概念：
睇埋
[編輯]文獻
[編輯]- （英文） Popper, Karl (2002) [1959]. The Logic of Scientific Discovery. Abingdon-on-Thames: Routledge.
註釋
[編輯]引述
[編輯]- ↑ Binns, Peter (March 1978). "The Supposed Asymmetry between Falsification and Verification". Dialectica. 32 (1): 29–40.
- ↑ Stanovich, Keith E. (2007). How to Think Straight About Psychology. Boston: Pearson Education. p. 123
- ↑ Fengshui: Science vs. Pseudoscience 互聯網檔案館嘅歸檔，歸檔日期2021年2月24號，..
- ↑ Cioffi, F. (1970). Freud and the idea of a pseudo-science. Explanation in the behavioural sciences, 508-515.