發明

發明（英文：to invent）係指一種新嘅嘢或者技術第一次出現。 發明可以分做一樣嘢嘅發明同埋一種方法嘅發明；而嘢嘅發明亦都唔限於有形嘅嘢，無形嘅嘢，譬如電腦程式等，都可以係一樣發明。

定位

一間工廠喺度組裝汽車。

2021 年嘅不列顛百科全書係噉樣嚟定義「工程學」嘅：

「

粵文翻譯：（工程學係）科學原理嘅創意應用，用嚟設計或者開發結構、機械、架生或者製造過程，（工程學又包括埋）將呢啲嘢單一或者結合噉用嘅工作；（又包埋）喺完全理解呢啲嘢嘅設計之下建造同運作呢啲嘢；（又包埋）或者係預測呢啲嘢喺特定運作情況下嘅行為；仲有係諗埋呢啲嘢嘅預期功能、運作上嘅經濟考量、以及係生命同財產嘅安全性（呢啲結構機械會唔會對生命同財產造成威脅）。

」

喺上面嗰段嘢當中，「創意」係一個重要嘅關鍵字，反映咗工程學同純科學之間嗰條重要分野：工程學同純科學上嘅研究都要建基於已有嘅知識，並且逐漸噉縮窄研究嘅範圍，追求新嘅知識；兩者主要分別在於，工程學重視發明一啲全新嘅事物，而純科學重視發現一啲前所未知嘅事物－例如喺愛迪生造出世上第一個電燈膽之前，世界上並冇電燈膽呢樣嘢，所以愛迪生算係「發明」咗電燈膽；而相比之下，想像例如家陣天文學上嘅研究搵到粒新嘅行星，嗰粒行星喺第一次俾人感知到佢之前查實不嬲都存在，只不過係當時啲人唔知佢存在噉解，所以班天文學家算係「發現」咗嗰粒行星。

睇埋

• 創新
• 發現