土力工程

土力工程，又叫岩土工程、大地工程，係土木工程嘅一個分支，負責處理建築物同泥土、岩石之間嘅互動。

土力工程嘅範圍，包括由前期調查到到起完樓之後，所有同笪地有關嘅工序。首先，揀地方起樓嘅時候要做工址調查，因為每個地方嘅土質都唔同。到起樓期間，要設計地基同地牢，一直跟進到施工。起好之後，要繼續處理地下水。

土力學係土力工程嘅相關自然科學範疇。

從事土力工程嘅人叫做土力工程師。土力工程呢個行業嘅專業機構係國際土力學及土力工程學會。呢一行亦受世界各地嘅土木工程業界機構監管。