天文學

出自維基百科,自由嘅百科全書
Jump to navigation Jump to search
呢幅圖用哈勃太空望遠鏡影到嘅相砌成。呢個係蟹狀星雲,一個超新星遺跡
用來睇天文現象嘅天文望遠鏡

天文學係一門專研究天體宇宙自然科學。天文學運用數學物理化學來解釋宇宙入面唔同嘅天體,包括恆星行星衞星彗星星系等等,同埋其他各種現象,譬如日食行星順行同逆行超新星爆炸伽瑪射線暴中文伽瑪射線暴宇宙微波背景輻射中文宇宙微波背景等等。可以噉講,任何源於地球大氣層以外嘅自然現象都屬於天文學嘅研究範圍。

人類好早就出於唔同原因開始研究並記錄各種天象,因為天文學嘅發展,既有實際意義,譬如利用恆星導航、利用太陽月光嘅週期變化來確定曆法節氣,亦可以幫助迷信嘅人理解罕見天文現象。而喺歐洲文藝復興開始之後,天文學研究促進咗科學發展,尤其是數學物理。一啲至出名嘅物理學家數學家哥白尼伽利略牛頓歐拉愛因斯坦霍金等等,佢哋好多研究成果,都係為咗解答天文學上嘅問題。

到20世紀中期,人類技術高度發展,有足夠嘅能力去探索地球大氣層以外嘅世界。蘇聯首先實現載人太空任務美國太空人首先登陸月球,係人類第一次踏足地球之外嘅天體。研究太空航行技術,推動咗好多第啲唔拉更嘅科技進步,譬如衛星電視全球定位系統高溫陶瓷、高度防水材料、太空育種等等,都令地球表面居民嘅生活質素提升。

對於一般天文愛好者來講,天文除咗係一門科學,亦可以係一種休閒嗜好。好多業餘天文愛好者鍾意觀星天體攝影、發現小行星月面反射通訊等等活動。天文學上嘅物理現象、外星人猜想等等,亦係文學影視音樂藝術常見嘅題材

睇埋[編輯]

出面網頁[編輯]