數學家

出名嘅數學家：

左上：泰勒斯；右上：歐拉；

左下：諾特；右下：丘成桐

數學家（粵拼：sou3 hok6 gaa1）係指一班對數學有深入了解嘅人，將佢嘅知識用喺做嘢上面（特別係解決數學問題）。數學家專注响數、數據、集合、結構、空間同變化。

專注喺解決純數學領域之外問題嘅數學家叫做應用數學家，佢哋用佢哋嘅特殊知識同專業方法解決好多响科學領域嘅顯著問題，比如專注喺廣泛領域嘅問題、理論系統同定點結構。應用數學家成日研究同制定數學模型。

教育要求

一個數學家首先會喺佢嘅學士課程入面對每一個數學嘅範疇（代數、分析、幾何、拓樸、應用數學等等）都有所涉獵，之後再喺研究所讀碩士、博士，呢個時候通常會專注喺自己有興趣嘅範疇入面。有啲學校嘅博士課程會有入學試（Prelim/qualifying exam），要求學生展示對數學嘅認識有足夠嘅深度、廣度先可以繼續讀。

榮譽

諾貝爾獎之中係無數學獎嘅，但係都有好多數學家攞到諾貝爾獎，主要係經濟學獎（例如John Nash）或者物理學獎，甚至係文學獎（羅素）。主要嘅數學獎有阿貝爾獎、陳省身獎章、菲爾茲獎、高斯獎、Nemmers Prize in Mathematics、巴爾贊獎、克拉福德獎、邵逸夫獎、Leroy P. Steele Prizes、沃爾夫獎、肖克獎同內萬林納獎。