丘成桐
| 丘成桐 | |
|---|---|
 | |
| 姓名原文 | 丘成桐、Khiu Sṳ̀n-thûng |
| 出生日 | 1949年4月4號  （75歲） |
| 出生地 | 汕頭 |
| 國籍 | 美國、英屬香港、香港 |
| 識嘅語言 | 英文、廣府話、客家話 |
| 學位 | Bachelor of Arts、哲學博士 |
| 母校 | 柏克萊加州大學、香港培正中學、崇基學院、香港中文大學 |
| 職業 | 數學家、大學教員、教授、科學家 |
| 僱主 | 哈佛大學、史丹福大學、柏克萊加州大學、聖地牙哥加州大學、Stony Brook University、浙江大學 |
| 兄弟姊妹 | Stephen Shing-Toung Yau |
[改維基數據] | |
丘成桐（粵拼：jau1 sing4 tung4；英文：Shing-Tung Yau；1949年4月4號—）係美國華人數學家，專研究微分幾何，因為證明卡拉比猜想（Calabi Conjecture）同埋正質量假設，喺1983年嘅華沙國際數學人大會攞到菲爾茲獎章。創幾何分析一支，以泛函分析、偏微分方程研究流形結構。
生平
[編輯]丘成桐原籍廣東省梅州蕉嶺縣，廣東汕頭出世，有八個兄弟姊妹。之後全家移居香港。14歲時喺大學教哲學嘅阿爸過世，由阿媽獨力養大。中學時就讀香港培正中學[1]，1966年入讀香港中文大學數學系。大學三年級時，跟 Stephen Salaff 去美國柏克萊加州大學深造，師從陳省身。1971年攞到博士學位之後，喺高等研究所做咗一年博士後研究，然後喺紐約州立大學石溪分校做咗兩年助理教授。
1974年，佢做咗史丹福大學副教授。1979年以正教授身份返去高等研究所。1980年成為高等研究院教授。1984年至1987年任聖地牙哥加州大學教授。1987年，喺哈佛大學教書。
丘成桐而家係哈佛大學 William Caspar Graustein 講席教授、浙江大學高等數學研究所所長、香港中文大學數學科學研究所主任。
佢同太太有兩個仔，其中丘正熙攞過美國英特爾高中天才科學獎第六十屆決賽獎。2005年國立台灣大學頒授名譽博士學位畀佢。
成就
[編輯]丘成桐改變同埋擴展人對偏微分方程係微分幾何中嘅作用同理解，並影響到拓撲學、代數幾何、表示理論、廣義相對論等領域。
- 1976年解決咗卡拉比猜想（Calabi Conjecture），結果及方法應用到超弦理論中。
- 證明 Monge-Ampère 方程解存在。
- 1978年、1979年同 R.舍恩（Richard Schon）合作解決咗廣義相對論中嘅正質量猜想（Positive Mass Hypothesis）。
- 同 Karen Uhlenbeck 合作解決 Hitchin-Kobayashi 猜想嘅高維形式。
- 高維閔科夫斯基問題、塞梵利猜想（同蕭蔭堂合作）、弗蘭克爾猜想、三維流形嘅拓撲學同埋極小曲面同史密斯猜想等
丘成桐教授亦有研究有扭量嘅超弦理論。
個人榮譽
[編輯]- 中央研究院數理科學組院士（第15屆）[2]
- 香港中文大學榮譽理學博士（1980年）[3]
- 中國科學院外籍院士（1994年）[4]
- 臺灣國立交通大學榮譽博士（1997年）[2]
- 臺灣國立清華大學榮譽博士（2000年）[2]
- 澳門大學榮譽理學博士（2002年）[5]
- 浙江大學名譽博士（2003年3月25號）[6]
- 香港科技大學理學榮譽博士（2004年）[7]
- 香港科學院院士[8]
參考
[編輯]- ↑ 〈1966 年級皓社 | 香港培正同學會〉。原著喺2019年10月1號歸檔。喺2022年12月28號搵到。
- ↑ 2.0 2.1 2.2 〈院士簡歷〉 (繁體中文)。中央研究院。原著喺2020年3月28號歸檔。喺2020年3月22號搵到。
- ↑ 第22屆大會 (1980) | 頒授學位典禮 | 香港中文大學，香港中文大學 （繁體中文）
- ↑ 〈丘成桐（Shing-Tung Yau）----中国科学院学部〉 (簡體中文)。中國科學院。
- ↑ 〈榮譽學位得主 | 澳門大學〉 (繁體中文)。澳門大學。
- ↑ 〈名誉博士学位批准、授予名单（截至2008年12月）〉 (XLS) (簡體中文)。中華人民共和國教育部。第127項
- ↑ 〈科大頒授榮譽博士予五位卓越領袖〉 (PDF) (新聞稿) (繁體中文)。香港科技大學。2004年8月26號。
- ↑ 〈丘成桐 - 我們的院士 - The Hong Kong Academy of Sciences 香港科學院〉 (英文)。香港科學院。原著喺2020年3月28號歸檔。喺2020年2月7號搵到。
