李卓敏基本醫學大樓小食店

出自維基百科,自由嘅百科全書

李卓敏基本醫學大樓小食店Basic Medical Sciences Building Snack Bar),俗稱Med Can,係香港中文大學嘅一間飯堂。

設施[編輯]

Med Can分為室內室外兩部份,門口右邊可以買外賣雙餸飯,只可以去室外食;入咗門口左邊係收銀處,畀咗錢之後可以憑單據入去攞餐。室外設有多張有太陽遮嘅枱。

交通[編輯]

可以搭校巴1、2號或者收費穿梭小巴(俗稱富貴巴)喺邵逸夫堂落,向車尾方向行過去。

歷史[編輯]

2022年之前嘅經營者喺香港中文大學校園長期經營,陪伴唔少喺香港中文大學讀書同工作嘅人。有部份人亦鍾意食佢哋獨特以碎冰忌廉作面層、配以檸檬雪芭同埋麥片嘅檸檬批,以及欣賞呢度嘅人情味,因而得到唔少香港人嘅留意。不過,佢哋喺2022年初宣布同中大嘅合約結束,喺6月30號之後正式結束營業[1][2][3]。喺最後一日營業嘅時候,有過百人喺雨中幫襯送別,有人受訪嘅時候話呢個係中大傳承嘅一部分,感慨喺武漢肺炎之下,中大失去咗好多[1]

參考[編輯]

  1. 1.0 1.1 呂諾君 (2022-06-30). 了再見|中大Med Can結業檸檬批成絕響 百米人龍雨中送別. 港01 (香港中文). 喺2022-06-30搵到.
  2. 何蔓琪 (2022-03-28). 大Med Can傳6月底結業 IG Foodie尋校友Fans:想請你食最後一餐|開罐. 港01 (香港中文). 喺2022-06-30搵到.
  3. 新假期 (2022-04-01). 大檸檬批恐成絕響!逾30年歷史中大Med Can或將結業 營業至4月底 師生校友不捨中大名物 城第一雙餸飯飲食熱話 | 飲食. (美國英文). 喺2022-06-30搵到.

出面網頁[編輯]