香港中文大學

出自維基百科,自由嘅百科全書
跳去導覽 跳去搵嘢

座標: 22°24′58.3″N 114°12′39.4″E / 22.416194°N 114.210944°E / 22.416194; 114.210944

百萬大道對住科學樓

 香港中文大學粵拼heong1 gong2 zhung1 men4 daai6 hok6英文Chinese University of Hong Kong;簡稱中文大學中大CU或者CUHK)係香港嘅一間大學,校園喺新界沙田馬料水港鐵大學站側。1963年創校,由三間書院夾埋組成——崇基學院(1951年創立)、新亞書院(1949年創立)、聯合書院(1956年創立),之後又加入逸夫書院(1986年創立),其後重加入晨興書院善衡書院伍宜孫書院敬文書院和聲書院五間書院。

雖然當初大學條例將中文列做指定教學語言,但校方而家提供嘅大多數科目都只係用英文教授,只係有個別科目會用到中文。喺中大,老師可以自由選擇用英文或者中文教學,喺香港嚟講算係少數。

現任校長段崇智,副校長楊綱凱廖柏偉鄭振耀程伯中

學生總人數(以2006年3月31號計)18,642人,圖書館藏(截至2005年12月31號)1,916,426 冊。2007年1月1號開始,一星期返五日學。

香港中文大學一共有8個學院,分別係文學院、商學院、工程學院、社會科學院、理學院、醫學院、法律學院同埋教育學院。

歷任校長[編輯]

  • 第1任:李卓敏教授(1963-1978)(經濟學家)
  • 第2任:馬臨教授(1978-1987)(生物化學家)
  • 第3任:高錕教授(1987-1996)(光纖之父,物理學家,工程師,2009年諾貝爾物理學獎得主)
  • 第4任:李國章教授(1996-2002)(醫生)
  • 第5任:金耀基教授(2002-2004)(社會學家)
  • 第6任:劉遵義教授(2004-2010)(經濟學家)
  • 第7任:沈祖堯教授(2010-2017)(醫生)
  • 第8任:段崇智教授(2018-)(生物醫學學家)

特色景點[編輯]

百萬大道

校內設施[編輯]

香港中文大學係香港佔地最大嘅大學,校園面積137.3公頃,同時亦都係香港面積第三大嘅單一地段,僅次於愉景灣嘅649公頃同香港國際機場嘅1,255公頃,範圍橫跨沙田區大埔區(39區部分屬於大埔區),而且到依家都仲係唯一一間有專屬港鐵站直達嘅大學(香港大學站唔算係「專屬」地鐵站,佢為附近石塘咀地區提供交通網絡)。

圖書館[編輯]

大學圖書館系統喺1963年創校嗰陣成立,截至2020年中大實體藏書量達到2,775,271冊、電子書4,863,710冊,加埋大約664萬冊;期刊3,242種、電子期刊183,027種。中大圖書館係香港各大學中其中一個最大嘅圖書館系統。

大學圖書館目前有七個成員。除大學總館之外,有三間係學科圖書館:醫學、法律同埋建築學特別圖書館。而新亞、聯合同崇基亦各有一間內藏跨學科讀物嘅分館。

此外,原屬美國領事館新聞處轄下嘅美國研究圖書館(American Studies Library)亦都歸於香港中文大學圖書館,嗰間館喺1993年將大部份藏書遷移到香港中文大學港美中心,後嚟交咗畀大學圖書館系統管理,佢依家喺聯合書院胡忠圖書館二樓。館藏包括Professor James Meriwether送嘅威廉福納特藏同美國研究特藏,係亞洲最完備嘅美國研究特藏。

香港中文大學圖書館分館分別係:

  • 大學圖書館(1965年成立)
  • 崇基學院牟路思怡圖書館(1951年成立)
  • 新亞書院錢穆圖書館(1949年成立)
  • 聯合書院胡忠多媒體圖書館(1956年成立)(包括:美國研究圖書館(1993年成立))
  • 李炳醫學圖書館(1980年成立)
  • 建築學圖書館(1994年成立)
  • 利國偉法律圖書館(2004年成立)

校園生活[編輯]

校園環境[編輯]

學院系統[編輯]

交通[編輯]

雖然中大嘅位置並唔接近中心商業區同市鎮,但係對外交通其實都好方便。地鐵嚟講有大學站,專門為中大服務;巴士站有三個,一個喺地鐵站隔籬,另外兩個喺大埔公路上面,一個近崇基學院,另一個近俗稱「四條柱」嘅大學正門。喺2012年9月,大學站新開咗個D出口,喺康本國際學術園(YIA)附近,更加方便師生進出校園。

校社會事件[編輯]

學生會候任內閣「朔夜」被校方封殺[編輯]

學生會喺2021年2月26號凌晨12點緊急召開記者會交代詳情,副會長何思珩(右)發言嗰陣一度哽咽,表示喺冇錢下仲會為同學服務

2021年2月24號,新一屆中大學生會「朔夜」正式成立。不過交接儀式未做之前,中大校方喺2月25號晚出「嚴正聲明」,話新一屆學生會內閣政綱內容失實同涉嫌違反《港區國安法》,將危害國家安全,所以實行幾項措施變相廢除學生會。包括暫停為學生會代收學生會會費,要求學生會註冊做獨立社團或公司,自行承擔法律責任等。校方同時暫停為學生會幹事會提供行政同大學場地支援。學生會凌晨12點緊急召開記者會交代詳情,對事件表示極度遺憾同委屈,係創會超過50年以嚟冇發生過,批評校方打壓學生嘅聲音同漠視同學授權。其中副會長何思珩發言嗰陣一度哽咽,表示喺冇錢下都會為同學服務。全體成員兩次向公眾90度鞠躬致歉[1]

到2月27號凌晨,內閣喺Facebook專頁宣布正式撤回參選宣言同政綱等有關文件,並將早前嘅帖文同圖片全部刪除,車頭相變做黑色,但冇交代原因[2]

睇埋[編輯]

出面網頁[編輯]

  1. "中大封殺學生會 內閣「朔夜」鞠躬致歉指未能履行承諾 稱無錢無場仍會服務同學". 立場新聞. 2021-02-26. 喺2021-02-26搵到.
  2. "中大學生會當選內閣 撤回參選宣言和政綱". on.cc. 2021-02-27. 喺2021-02-27搵到.