香港伍倫貢學院

出自維基百科,自由嘅百科全書
香港伍倫貢學院
UOW College Hong Kong
開辦1989年11月1號
類型專上學院
校長曾嘉勵女士
副校長蔡耀權博士
學生副學士學位:3,000
舊名香港城市理工學院高級專業學院
香港城市大學高級專業學院
香港城市大學專上學院
地址 香港大圍柏傲莊(大圍新校園暨辦公室))
 香港九龍城沙浦道46號1樓
網站https://www.uowchk.edu.hk
香港伍倫貢學院
繁體字香港伍倫貢學院

香港伍倫貢學院英文UOW College Hong Kong),前身係香港城市大學專上學院CCCU),喺1989年11月1號由香港城市大學開辦,學院喺2014年11月同澳洲伍倫貢大學結盟,2019年改成而家個名,2020年脫離咗香港城市大學,依家係政府認可嘅香港本地註冊嘅專上院校[1]

校舍[編輯]

香港伍倫貢學院而家有2個校舍,2023年7月3日遷入大圍新校園(Tai Wai Campus),另一所位於九龍城沙埔道御‧豪門嘅九龍城校舍(Kowloon City Campus)仍繼續使用作暑假課程。九龍灣偉業街德福花園嘅前九龍灣德福校舍(UOWCHK Telford Campus)(前威靈頓英文中學)經已於2022年起全面停止使用。

喺2016年9月22號,教育局公佈學院獲配柏傲莊校舍(屬「財政司司長法團」持有部分)。學院樓高3層,佔地15,000平方米,可容納約1,700名學生,原定喺2020年交付,裝配教學設施後成為學院嘅永久校舍,主要用作教授副學士課程同埋學生服務中心[2],但因工程延誤,已訂於2023年7月遷校。

2020年1月2日,學院辦公室暫時搬去又一城商業大樓。2020年12月,學院以76.7萬元承租九龍城豪門商場一樓同埋二樓兩層樓面,月租約35.6萬元同埋41.1萬元,租約期由2021年1月去到2023年12月[3]

學部/學院結構[編輯]

學院共設有四個學院,分別為科學院(Faculty of Science and Technology, FST),社會科學學院(Faculty of Social Science, FSS),商學院(Faculty of Business, FBU)同埋人文學院(Faculty of Arts and Humanities, FAH)。

過去,城大專上學院設有四大學部,分別為電腦學部(Division of Computer Studies, DCO),社會科學學部(Division of Social Science, DSS),商學部(Division of Commerce, CM)同埋語文學部(Division of Languages Studies, LS)。去到2012年,為配合香港中學文憑考試同埋將學部名統一化,四大學部隨即重新命名為應用科技學部(Division of Applied Science and Technology, AST),社會科學學部(Division of Social Science, DSS)商學部(Division of Business, BUS)同埋語文及傳意學部(Division of Languages and Communication, LAC)。

爭議[編輯]

賣盤爭議[編輯]

2014年初,教育界開始傳出城大專上學院賣盤嘅消息,2014年6月學生設立咗Facebook專頁「城大人站出來!反對城大將專上學院賣盤!」提出抗議,並要求學院作出解釋。2014年11月13號,學院終於公布同伍倫貢大學英文University of Wollongong)結盟,並且設立5年過渡期,之後由伍倫貢大學主導嘅管理[4],並且喺2017年11月確定喺兩年後改名做「香港伍倫貢學院」。過渡期內入讀城大專上學院副學士課程嘅學生,讀完課程後,除咗攞到香港城市大學畢業證書外,亦可額外獲頒由香港伍倫貢學院嘅畢業證書,學歷獲香港學術及職業資歷評審局認可,但伍倫貢嘅學生唔再有城大學生嘅身份,並且喺過渡期結束前逐漸失去使用城大設施嘅權利。反對賣盤嘅人批評城大咁做係為咗擺脫副學士課程嘅負擔,以便開設自資嘅獸醫學院提升學校嘅世界大學排名及維持盈利,城大專上學院學生就成為學院被賣盤嘅受害者[5]

嗰時有啲民主派人士關注賣盤事件,擔心影響學生前途[6][7]。親中派《文匯報》同年曾經指控呢啲民主派人士生安白造、上綱上線[8],但賣盤最終成真。

參考[編輯]

  1. . (香港中文). 喺2022-02-12搵到.
  2. 耀. 文匯報. 2016-09-23. 原先內容歸檔喺2016-10-11. 喺2016-09-23搵到. {{cite news}}: Cite has empty unknown parameter: |dead-url= (help)
  3. 蘅幼稚園結業 香港伍倫貢學院接力 76.7萬租九龍城兩層商場. . 2020-12-03. 原著喺2021-12-16歸檔. 喺2021-12-16搵到.
  4. 大專上學院擬賣盤 校董料難阻 學生憂銜接. AM730. 喺2020-10-16搵到.
  5. . www.facebook.com (香港中文). 喺2021-02-06搵到.
  6. BeeMedia; AM730. 大專上學院擬賣盤 校董料難阻 學生憂銜接. AM730 香港免費派發的報紙 (Online Edition of am730). 喺2022-02-12搵到.
  7. 大師生關注專上學院賣盤 商討行動抗黑箱作業 | 陸嘉怡. . 2014-07-10. 喺2022-02-12搵到.
  8. 大 反對派屈城大 - 香港文匯報. paper.wenweipo.com. 喺2022-02-12搵到.