辛世文
| 辛世文 | |
|---|---|
| 出生日 | 1942年9月15號  （81歲） |
| 母校 | 香港中文大學、香港大學、威斯康辛大學麥迪遜分校 |
[改維基數據] | |
辛世文教授（Professor Samuel Sun，1942年9月15號—）係中國農業生物技術專家，被譽為「植物基因複製之父」。
簡歷[編輯]
辛世文喺廣東湛江出世[1]，祖籍雷州海康，喺中國內地讀完小學同初中，1954年去到香港，讀路德會協同中學[2]，照顧喺香港做生意而身體唔好嘅阿爸。1966年喺香港中文大學新亞書院生物系畢業（當時學院嘅權力仲未收歸大學中央）。
1974年，辛世文喺麥迪臣威斯康臣大學植物生物化學專業畢業，獲博士學位。跟住做過美國「ARCO植物細胞研究所」首席科學家、分子生物部主任，同埋夏威夷大學植物分子生理系正教授。1995年返母校香港中文大學任教。
2006年8月，辛世文出任香港中文大學善衡書院創院院長，至2018年離任，任期12年。而家係香港中文大學榮休生物講座教授。
同袁隆平嘅關係[編輯]
辛世文被譽為「植物基因複製之父」，而袁隆平就被譽為「雜交水稻之父」，兩位都係農業生物技術嘅專家，而事實上兩位之間亦都有合作，袁隆平甚至叫咗個仔同新婦——袁定陽同段美娟去跟辛世文讀研究生，完成碩士同博士學位[3][4]。
個人榮譽[編輯]
參考[編輯]
- ↑ 1.0 1.1 〈辛世文院士百科〉 (簡體中文). 中國工程院.
- ↑ 路德會協同中學六十周年校慶特刊第260頁
- ↑ 〈翹楚之後：辛世文真傳 袁隆平兒媳盡得〉. 《文匯報 (香港)》. 2013-04-23. 原著喺2022-05-23歸檔. 喺2021-09-01搵到.
- ↑ 〈傳統育種遇上基因科技 兒從父志來港攻讀〉. 《文匯報 (香港)》. 2021-05-23. 原著喺2021-09-01歸檔. 喺2021-09-01搵到.
- ↑ 〈中国工程院2003年新当选院士名单〉 (簡體中文). 中國工程院. 2009-06-15.
- ↑ 〈香港中文大學第九屆榮譽院士頒授典禮〉 (新聞稿) (繁體中文). 香港中文大學. 2010年5月17號.
- ↑ 〈榮譽院士辛世文教授讚辭〉 (PDF) (繁體中文). 香港中文大學.
