廣東

出自維基百科,自由嘅百科全書
跳去: 定向搵嘢
中華人民共和國 > 廣東
廣東省
广东省
簡稱:粵
China Guangdong.svg
廣東省位置
省城 廣州
省委書記 胡春華
省長 朱小丹
面積
- 總面積
- 佔全國
- 水域佔
第15位
186,000
1.94%
(冇資料)%
人口(2001年底)
- 總人口
- 佔全國
- 人口密度
第4位
77,830,000
6.10%
418人/km²(第{{{密度排名}}}位)
- 民族 漢族
GDP(2002年)
- 總值
- 佔全國
- 人均GDP
第1位
11674.4億人民幣
11.4%
15000元人民幣
ISO 3166-2 CN-44
時區 UTC+8
網站 http://www.gd.gov.cn/
廣東省所在

廣東粵拼gwong² dung¹)(英文 : Guangdong),簡稱(讀音:jyut⁶),喺中國南方。而家係中華人民共和國嘅一個,叫廣東省(讀音:gwong² dung¹ saang²),省會係廣州。廣東位於南嶺以南,南海之濱。同香港澳門廣西湖南江西福建等地方接壤;同海南隔海對望。

廣東喺語言風俗、歷史文化等方面都有自己嘅一面,同中國北方地區有好大唔同。而呢幾年,廣東亦成為中國最發達嘅省份。廣東同佢旁邊嘅廣西淵源深厚,而廣字就係源於佢哋自晉朝都係跟住同一行政區廣州。廣東地區主要通行粵語客家話潮州話

[編輯]

秦朝以前,廣東係越族人聚居之地,稱為百越地周夷王八年建立嘅楚庭,成為廣東地區嘅中心。秦始皇33年統一嶺南後建,嗰陣屬南海郡。趙佗據嶺南三郡稱南越國,建都番禺(家下廣州)。廣東成為南越國政權地頭。元鼎六年漢武帝平南越,開番南海郡。元封五年被收入交州

三國至隋唐[編輯]

三國黃武五年,即226年,分交州合浦以北地段,大約而家廣東地區,叫做廣州,中間取消過,又恢復返。晉朝南北朝就保住呢嗰名。隋文帝在位時,廢晒所有郡,起廣州總管府仁壽元年因避皇太子楊廣嗰名就改為番州大業三年復置南海郡,屬番州。武德四年復置廣州,初為總管府,後改都督府貞觀元年嶺南道乾元元年,罷嶺南道採訪使,改設嶺南節度使,齋管家下廣東地區。咸通三年嶺南分東、西二道,今廣東屬嶺南東道。

五代及宋[編輯]

末諸藩崛起,南漢國喺嶺南立國,廢嶺南道。而廣東成為南漢政權嘅中心地區,由南漢朝廷直轄。宋太祖開寶四年平南漢廢佢建制,復置嶺南道。至道三年廣南東路,係今日廣東省名嘅出處。

[編輯]

元朝至元十五年,即係1278年,今日廣東分屬兩個行中書省。廣東主要境係歸江西行中書省,下便嘅廣東道宣慰使司,治所喺廣州路。而今日廣東西便,係屬湖廣行中書省,下便嘅海北海南道宣慰使司,治所喺雷州路[1]

大明[編輯]

大明洪武二年,即1369年5月改元朝時廣東道做廣東行省。洪武九年1376年7月,廣東行省改做廣東承宣佈政使司,通稱廣東省。

大清[編輯]

為廣東省,受兩廣總督管。分做六道,廣肇羅道南韶連道惠潮嘉道高雷陽道廉欽道同埋瓊崖道。兩廣總督初駐肇慶府、後駐廣州府。

近代[編輯]

1911年11月9號,廣東省宣佈獨立,成立軍政府,成為中華民國轄地。1916年7月6號改為文人政府。其後多次成為孫中山北洋政府運動嘅大本營。1926年11月10號省政府改稱省國民政府陳濟棠主政期間(1929年-1936年),廣東經濟、文化、交通同埋城市建設有顯著發展。

1938年10月21號1945年8月15號,部份地區(包括廣州佛山中山江門東莞寶安惠州等地)淪入日軍手中。

1950年6月27日中國人民解放軍攻佔珠海萬山群島,全省落入中國人民共和國手中。省政府沿用國民政府嘅制度省政府,但後來改咗做省人民政府1968年2月21日,廣東政府因文化大革命跟風改名廣東省革命委員會。1979年叫番省人民政府。

中華人民共和國建國以後,廣東行政區域縮咗,包括將懷集廣西劃入廣東,而欽州防城港北海就撥入廣西,後來又將海南島獨立建省等。海南建省嘅計劃其實早喺民國時期已經有,當時嘅海南重劃為特別行政區,只不過因為中共入侵,令到計劃擱置。

地理[編輯]

內文: 廣東地理

廣東周圍有福建江西湖南廣西海南澳門香港。地處中國南部,北依南嶺山脈、東北為武夷山脈,南臨南海海岸線3368公里(唔包含島嶼海岸線)。全境地勢北高南低,北部、東北部同西部都有較高山脈,中部同南部沿海地區多數係低丘、臺地平原山地丘陵大概佔62%,臺地同平原大概佔38%。主要山脈蓮花山羅浮山九連山青雲山滑石山天露山雲霧山雲開大山,多呈東北至西南走向,並同海岸線平行。集水面積100平方公里以上嘅幹支流河道共有640條,分屬珠江同埋沿海諸河水系,主要有東江北江西江同埋韓江;境內多年平均降水量1774毫米。

行政區劃[編輯]

廣東底下有21個地級市,54個市轄區、23個縣級市、41個同埋3個自治縣

廣東省政區 # 區劃名稱 粵拼 政府所在地 面積(km²) 人口 (2010)
Guangdong prfc map.png
副省級市
9 廣州市 gwong2 zau1 si5 越秀區 7,435 12,700,800
21 深圳市 sam1 zan3 si5 福田區 2,007 10,357,938
地級市
1 清遠市 cing1 jyun5 si5 清城區 19,264 3,698,394
2 韶關市 siu4 gwaan1 si5 湞江區 18,398 2,826,612
3 河源市 ho4 jyun4 si5 源城區 15,644 2,953,019
4 梅州市 mui4 zau1 si5 梅江區 15,925 4,240,139
5 潮州市 ciu4 zau1 si5 湘橋區 3,083 2,669,844
6 肇慶市 siu6 hing3 si5 端州區 15,007 3,918,085
7 雲浮市 wan4 fau4 si5 雲城區 7,762 2,360,128
8 佛山市 fat6 saan1 si5 禪城區 3,875 7,194,311
10 東莞市 dung1 gun2 si5 南城區*[2] 2,512 8,220,237
11 惠州市 wai6 zau1 si5 惠城區 11,158 4,597,002
12 汕尾市 saan3 mei5 si5 城區 4,957 2,935,717
13 揭陽市 kit3 joeng4 si5 榕城區 5,269 5,877,025
14 汕頭市 saan3 tau4 si5 金平區 2,123 5,391,028
15 湛江市 zaam3 gong1 si5 赤坎區 11,693 6,993,304
16 茂名市 mau6 ming4 si5 茂南區 11,345 5,817,753
17 陽江市 joeng4 gong1 si5 江城區 8,005 2,421,812
18 江門市 gong1 mun4 si5 蓬江區 9,553 4,448,871
19 中山市 zung1 saan1 si5 東區*[3] 1,770 3,120,884
20 珠海市 zyu1 hoi2 si5 香洲區 1,696 1,560,229
注:東沙群島屬廣東省汕尾市,但實際由中華民國臺灣高雄市控制。

經濟[編輯]

人口[編輯]

153,266,532

民族同埋民系[編輯]

廣東古為百越之地,民族成分複雜多樣。隨住歷史上漢族人嘅不斷南遷,民族間不斷融合,如今廣東以漢族人佔絕大多數,少數民族有瑤族壯族苗族佘族等。

廣東三大民系[編輯]

內文: 廣東民系

廣東三大民系係指廣東漢族人裏面嘅廣東人客家人潮汕人,佢哋佔咗廣東漢族人嘅大多數。因為三大民系先民入粵有先後、使用方言迥異、習俗各有特色分唔開而形成。以前三民系間有過矛盾,但今日民系間已和睦相處,保持自身特色之餘同時又相互交融。

四大民族:佘族、苗族、壯族、瑤族,其中以壯族最多人。

語言[編輯]

粵語廣東方言

廣東本地人主要講粵語(廣東話)、客家話潮汕話雷州話韶州土語等,其中除土語外,其餘都屬於漢語七大方言裏面嘅粵方言客家方言閩方言,呢三大方言嘅母語使用者約佔廣東本地人嘅45%、30%、25%。廣東嘅廣州話同埋梅縣話分別係漢語粵方言同埋漢語客家方言嘅代表音,可見廣東方言喺漢語方言中佔據重要地位。

由於外地民工湧入,廣東都有人講普通話同外省嘅方言。而廣東本地少數民族就用自己嗰種語言。

粵方言[編輯]

粵方言(粵語),珠三角地區嘅粵語口音係廣州話,其他地方叫做「白話」,英文叫「Cantonese」,大陸通用嘅「正名」係「粵方言」。香港又有另一種講法,叫廣東話,幾乎成為官方稱呼。係漢語七大方言中語言現象比較複雜、保留古時百越辭彙比較多、內部差異較細嘅方言(亦有人話粵語係一種獨立語種)。主要分布香港、澳門、廣東省大部份、廣西壯族自治區東南部,同埋廣泛分布響海外華人社區。以廣州話為公認嘅標準音。

響廣東省,粵方言主要分布響珠三角及粵西地區,內部差異唔大,廣東省境內純講粵語或者講部分粵語嘅縣市有 47 個,佔全省面積三份一以上,有廣州、佛山、肇慶、江門、深圳、茂名、中山、珠海、南海、番禺、東莞、順德、龍門、佛岡、增城、從化、花都、清遠、連縣、陽山、連山、懷集、廣寧、四會、三水、高要、雲浮、高明、新興、鶴山、封開、鬱南、德慶、羅定、陽春、陽江、信宜、高州、化州、吳川、臺山、開平、新會、恩平、斗門。此外,惠州、韶關、湛江、海豐、博羅、惠陽、惠東、仁化、樂昌、英德、寶安、電白、遂溪、海康、徐聞、廉江等 16 個縣市亦有部份地區講粵語嘅。

客家話[編輯]

客家方言主要分布響粵東地區,其中河源、梅州係純客家方話地區,惠州、深圳、東莞、韶關、汕尾,以及粵西部分地區都係講客家話。

閩方言[編輯]

廣東嘅閩方言可能流行於中山沙溪一帶、俗稱隆都話、廣東省常務副省長湯炳權就係隆都人。據隆都誌話齋,沙溪原本係一個島,但福建有漁民先移居呢度、咁就保留咗非常濃厚嘅福建風俗同閩語口音。住喺廣東,嚟自汕頭嘅人又講潮州話。潮州話係屬於閩南話嘅一個方言。

宗教[編輯]

佛教[編輯]

可統計嘅佛教信徒有32萬人。列為漢族地區佛教全國重點寺院嘅有:韶關南華禪寺,廣州六榕寺、光孝寺,乳源縣雲門寺,肇慶慶雲寺,潮陽縣靈山寺,潮州開元寺。南華禪寺禪宗嘅祖庭。

道教[編輯]

可統計嘅道教信徒有12萬人,博羅縣羅浮山沖虛古觀列為全國重點道觀。

基督教[編輯]

廣東係基督教最早傳入中國嘅地區(1807年)。1949年廣東有9萬基督教信徒,屬於基督徒較多嘅省份;如今可統計基督教信徒30萬人,喺全國已經屬於基督徒較少嘅地區之一。信徒多數係東部地區嘅客家人潮汕人。客家人地區嘅基督教主要淵源於瑞士巴色會嘅傳教活動。廣東人之中,除廣州市區以外,信基督教嘅人好少。深圳市嘅信徒以外來移民為主。

天主教[編輯]

可統計嘅信徒有20萬人,大部分屬於汕頭教區。肇慶明代傳教士利瑪竇首先進入嘅中國大陸城市(1583年)。廣州教區嘅耶穌聖心主教座堂(石室)係一座著名嘅哥德式建築

伊斯蘭教[編輯]

單喺廣州、肇慶就有2萬名穆斯林。廣州懷聖寺光塔嘅歷史可以追溯到唐宋時期。

文化[編輯]

廣東具有歷史悠久而又獨具特色嘅文化。廣東粵菜譽滿全國,客家圍屋被認為係中國漢人南遷移民文化嘅代表性建築。

歷史文化名城[編輯]

飲食[編輯]

廣東嘅飲食天下聞名,廣州菜粵菜嘅代表,更加有「食在廣州」嘅朵,潮菜以精緻典雅著稱,客家菜就以原汁原味見長。廣東人普遍鍾意飲烏龍茶,其中以潮州功夫茶最出名。

戲劇[編輯]

音樂[編輯]

建築[編輯]

其他[編輯]

旅遊[編輯]

文化古蹟[編輯]

其他題目[編輯]

教育[編輯]

廣東人重視教育,興寧等地都係「院士之鄉」。廣州係中國大專院校分佈最密集嘅城市之一。著名嘅大學有中山大學華南理工大學等。廣東大學一覽

商業[編輯]

名人[編輯]

中華人民共和國成立後領導人[編輯]

省委書記

省長

參考[編輯]

  1. 明史。志。地理。福建、廣東、廣西
  2. 係地方設立嘅縣級政區,無喺中華人民共和國民政部登記。
  3. 係地方設立嘅縣級政區或經濟管理區,無喺中華人民共和國民政部登記。
中華人民共和國廣東省行政區 省會廣州市 Flag of the People's Republic of China.svg
地級市 市轄區縣級市自治縣
廣州市 越秀區 | 荔灣區 | 海珠區 | 天河區 | 白雲區 | 黃埔區 | 番禺區 | 花都區 | 南沙區 | 增城區 | 從化區
深圳市 福田區 | 羅湖區 | 南山區 | 寶安區 | 龍崗區 | 鹽田區
珠海市 香洲區 | 斗門區 | 金灣區
汕頭市 金平區 | 濠江區 | 龍湖區 | 潮陽區 | 潮南區 | 澄海區 | 南澳縣
韶關市 湞江區 | 武江區 | 曲江區 | 樂昌市 | 南雄市 | 始興縣 | 仁化縣 | 翁源縣 | 新豐縣 | 乳源瑤族自治縣
佛山市 禪城區 | 南海區 | 順德區 | 三水區 | 高明區
江門市 蓬江區 | 江海區 | 新會區 | 恩平市 | 台山市 | 開平市 | 鶴山市
湛江市 赤坎區 | 霞山區 | 坡頭區 | 麻章區 | 吳川市 | 廉江市 | 雷州市 | 遂溪縣 | 徐聞縣
茂名市 茂南區 | 茂港區 | 化州市 | 信宜市 | 高州市 | 電白縣
肇慶市 端州區 | 鼎湖區 | 高要市 | 四會市 | 廣寧縣 | 懷集縣 | 封開縣 | 德慶縣
惠州市 惠城區 | 惠陽區 | 博羅縣 | 惠東縣 | 龍門縣
梅州市 梅江區 | 興寧市 | 梅縣 | 大埔縣 | 豐順縣 | 五華縣 | 平遠縣 | 蕉嶺縣
汕尾市 城區 | 陸豐市 | 海豐縣 | 陸河縣
河源市 源城區 | 紫金縣 | 龍川縣 | 連平縣 | 和平縣 | 東源縣
陽江市 江城區 | 陽春市 | 陽西縣 | 陽東縣
清遠市 清城區 | 英德市 | 連州市 | 佛岡縣 | 陽山縣 | 清新縣 | 連山壯族瑤族自治縣 | 連南瑤族自治縣
東莞市 冇縣級行政區
中山市 冇縣級行政區
潮州市 湘橋區 | 潮安縣 | 饒平縣
揭陽市 榕城區 | 普寧市 | 揭東縣 | 揭西縣 | 惠來縣
雲浮市 雲城區 | 羅定市 | 雲安縣 | 新興縣 | 鬱南縣

(註:廣州市深圳市副省級城市東莞市中山市嘅行政區係地級市、鎮兩級編製,無縣級編製。中華人民共和國政府將東沙群島
劃入廣東省管轄,不過無實際統治,參考台灣問題。)
(參考:中華人民共和國縣級以上行政區一覽中華人民共和國廣東省鄉級以上行政區一覽