張德江
 |
.jpg) | |
| 全國人民代表大會常務委員會委員長 2013年3月14號-2018年3月17號 | |
|---|---|
| 外文名 | Zhang Dejiang |
| 性別 | 男 |
| 出世 | 1946年11月4號 中國遼寧台安 |
| 國籍 |  中華人民共和國 |
| 配偶 | 辛樹森 |
| 學歷 | |
| 北韓金日成綜合大學經濟系 | |
| 目前職務 | |
|
中國共產黨中央政治局常務委員會委員 中國共產黨中央港澳工作協調小組組長 | |
| 經歷 | |
| |
張德江（粵拼：zoeng1 dak1 gong1，1946年11月4號—）係中國共產黨、中華人民共和國重要領導人之一，而家做緊全國人大常委會委員長，又係其中一個中共中央政治局常委。北韓金日成綜合大學經濟系畢業，做過中共中央政治局委員、國務院副總理，管工業、電信、能源、交通。遼寧台安人。
中共十八大之後，張德江接替升做中共中央總書記嘅習近平出任中央港澳工作協調小組組長，主管港澳事務。2013年當選全國人民代表大會常務委員會委員長，一直做到2018年。
家庭
[編輯]- 張德江阿爸出身農民家庭。張德江曾經講過，「我爺爺農民，我父親工人，我12歲前生活農村，12歲出城。」[1]
- 老婆辛樹森。山東海陽人，1949年出生，長春冶金建築學院本科，東北財經大學研究生，曾任中國建設銀行副行長。 [2]
工作醜聞同爭議
[編輯]受親共報章批評
[編輯]行錯路線
[編輯]2016年9月29號，一向立場親中共兼有中資背景報章，《成報》發表評論文章點名批評張德江。文章指主管港澳事務中共中央港澳工作協調小組組長張德江，治港路線偏執強硬，搞敵我矛盾，造成社會嚴重撕裂，文章指出張德江主導香港路線失誤，錯判形勢及民情，全國人大「8.31決定」，導致「佔中」爆發。
隱瞞疫情
[編輯]文章又指從2003年下令隱瞞非典型肺炎疫情，病毒由廣東擴散到香港，造成近300名港人染病死亡，可算係「香港世仇」，又形容張係香港「災星」，而張德江隱瞞疫情釀成大禍，廣東省衞生廳廳長黃慶道等官員被罷免，但頭目張獲江澤民撐腰就無事。[3]
訪港造成擾民問題
[編輯]2016年5月17號至5月19號，張德江到訪香港出席一帶一路論壇造成擾民爭議。佢得到香港警方封閉多條道路，令車隊胡亂行駛，逆線而行，導致交通擠塞而混亂，不守香港本地交通規則引人咎病[4]。有香港眾志成員攔截張德江車隊。
發表基本法爭議性言論
[編輯]2017年5月27號，張德江出席紀念香港特別行政區基本法實施20週年座談會時使用爭議性講話。 佢聲稱「堅定不移推動『一國兩制』偉大事業繼續前進。面對風險和挑戰，要繼續堅定不移貫徹落實基本法」、「要加強基本法宣傳教育，在香港社會普遍樹立起國家意識和法治意識，使廣大香港同胞自覺尊重基本法、遵守基本法、捍衛基本法」、「樹立國家和法治意識」。而香港大律師公會前主席石永泰質疑有關講法：「中國法治排名比香港低這麼多，為何還可以對香港法治指指點點？是不是很諷刺呢？」[5]。
捲入中國黑心疫苗風波
[編輯]同香港人會面有困難
[編輯]會面規矩嚴苛，泛民扭擰有拒見
[編輯]張德江訪港5月18號晚上，特區政府安排晚宴並邀請包括泛民立法會議員共500人，除梁國雄、黃毓民。有議員上傳邀請函，指函上列明晚宴多項限制，包括：不得離座祝酒，並要求嘉賓交上大量個人私隱資料，甚至要證件相，更明言資料或會轉交執法機構查核。最終，多數泛民議員冇去，得工黨何秀蘭、民主黨劉慧卿、公民黨梁家傑，衛生服務界功能界別李國麟4個出席[6]。
首富稱病冇見佢
[編輯]2016年5月13日一連幾日，李嘉誠有腸胃炎要小外出，重係有生之年首度缺席長和股東會[7]。
陳太冇忌諱，黃衣會張德江
[編輯]由於近年香港爆發過雨傘運動，反共反建制係黃絲帶最紅，黃色成為香港政治界忌諱。但2016年5月19號，前政務司司長陳方安生身穿黃衫見中共黨員張德江，重冇跟在場人士一般節奏，做「拍拍手，笑笑口（四手代表）」，陳太一直雙手交握。雖然陳太最後有同張德江接觸，但事件已令香港人同媒體關注[8]。
參考
[編輯]- ↑ 常委中最早的知青張德江到底是不是太子黨？ 互聯網檔案館嘅歸檔，歸檔日期2018年11月7號，.，明鏡月刊，2013年3月15號
- ↑ 〈相識艱苦時張德江妻子是金融界強人〉。阿波羅新聞。2012-11-01。喺2017-08-14搵到。
- ↑ 張德江禍港13年 從隱瞞沙士疫症至毀港普選夢 互聯網檔案館嘅歸檔，歸檔日期2019年5月8號，.成報 2016年9月29日
- ↑ 〈車隊又逆線 港島塞爆〉。蘋果日報 (香港)。2016-05-20。原著喺2016-05-24歸檔。喺2016-05-25搵到。
- ↑ 〈港法制被搞？石永泰：整個法律界都忍了很久〉。《明報》 (香港中文)。2017-06-20。
- ↑ 張德江「史無前例」會見香港泛民議員 BBC，2016年 5月 19號
- ↑ 李嘉誠抱恙 首度缺席股東會 患腸胃炎 留意下周會否見張德江 明報2016年5月14號
- ↑ 陳方安生穿黃衣晤張 互聯網檔案館嘅歸檔，歸檔日期2020年3月27號，.2016年05月20
| 前任： 吳邦國 |
全國人民代表大會常務委員會委員長 2013年3月—2018年3月 |
繼任： 栗戰書 |
| 前任： 習近平 |
中央港澳工作協調小組組長 2012年11月—2017年11月 |
