中國共產黨中央委員會總書記

出自維基百科,自由嘅百科全書
現任中共中央總書記習近平
中華人民共和國

呢篇文係關於
中華人民共和國
政府同政治


中華人民共和國憲法
最高領導人 / 國家元首
習李體制 / 李克強政府
中國共產黨 中國共產黨

中華人民共和國 中華人民共和國政府






地方行政區
統一戰線

民主黨派
選舉
睇埋
一國兩制
香港政治 / 澳門政治
兩岸關係
中華民國政治 / 台灣政治

各國政治 • Portal:政治
睇吓  討論  編輯  

中國共產黨中央委員會總書記,簡稱中共中央總書記,係中國共產黨嘅黨魁,黨內最高負責人,亦係中華人民共和國喺一黨專政下嘅最高領導人,位居國家主席國務院總理之上。1945年到1982年中共領袖係叫中國共產黨中央委員會主席,簡稱中共中央主席(黨主席),但係自1982年中共十二大之後改返做總書記,負責主持中共中央書記處工作,召集同埋主持中央政治局會議,但唔係好似主席咁,代表成個政治局去決定。而家個總書記係習近平,喺2012年中共十八大之後上臺,2017年中共十九大連任,2022年中共二十大再次連任,成為繼毛澤東之後任期最長嘅中共領袖,佢任內通過一系列集權政策將總書記變成一個獨裁職位。

權力同地位[編輯]

1980年代胡耀邦趙紫陽先後做過總書記,但當時鄧小平做緊中共中央顧問委員會主任同中共中央軍委主席,作為中共元老嘅代表兼且掌握軍權。1989年六四事件之後鄧小平退休,江澤民以中共中央總書記身份兼任中共中央軍委主席,恢復以總書記為核心嘅領導體制,再次集黨政軍大權於一身。喺中國共產黨一黨專政嘅體制下,中共最高領導人一般就係實際上嘅國家最高領導人,同時係國內排名最高嘅領導職位。為咗貫徹「黨指揮槍」原則,中共總書記一般仲會兼任中央軍委主席,作為以中國人民解放軍為主嘅中華人民共和國武裝力量最高統帥。

2012年習近平出任總書記之後,設立中央國家安全委員會同中央全面深化改革領導小組等多個黨內決策議事機構,呢啲機構嘅負責人都由黨嘅總書記兼任,總書記嘅權力變得更加廣泛同重要。2017年中共十九大之後,中共中央政治局全體委員同常委每年都要向黨總書記書面述職一次。

歷任負責人[編輯]

  1. 第一次全國代表大會成立中央局,係黨嘅最高權力機關,陳獨秀為書記。
  2. 第二次全國代表大會撤銷中央局,成立中央執行委員會,陳獨秀係執行委員會委員長。
  3. 第三次全國代表大會,陳獨秀連任委員長。
  4. 第四次全國代表大會將執行委員會撤銷,改稱中央委員會,負責人為總書記,陳獨秀再次連任。
  5. 第五次全國代表大會,陳獨秀連任。
  6. 第六屆中央委員會選咗向忠發做總書記、政治局主席。
    • 1943年,毛澤東被選做黨主席(中央政治局主席兼埋書記處主席)。
  7. 第七屆中央委員會主席:毛澤東
  8. 第八屆中央委員會主席:毛澤東
  9. 第九屆中央委員會主席:毛澤東
  10. 第十屆中央委員會主席
    • 毛澤東(1973年8月30號-1976年9月9號,做到死)
    • 華國鋒(1976年10月7號-1977年8月18號,政治局確認)
  11. 第十一屆中央委員會主席
    • 華國鋒(1977年8月19號-1981年6月28號,十一屆三中全會之後失勢)
    • 胡耀邦(1981年6月29號-1982年9月11號,兼任埋書記處負責人)
  12. 第十二屆中央委員會總書記
    • 胡耀邦(1982年9月12號-1987年1月15號,因資產階級自由化辭職)
    • 趙紫陽(1987年1月16號-1987年11月1號,總理代理總書記職務)
  13. 第十三屆中央委員會總書記
    • 趙紫陽(1987年11月2號-1989年6月23號,因六四事件落台)
    • 江澤民(1989年6月24號-1992年10月18號)
  14. 第十四屆中央委員會總書記:江澤民
  15. 第十五屆中央委員會總書記:江澤民
  16. 第十六屆中央委員會總書記:胡錦濤
  17. 第十七屆中央委員會總書記:胡錦濤
  18. 第十八屆中央委員會總書記:習近平
  19. 第十九屆中央委員會總書記:習近平
  20. 第二十屆中央委員會總書記:習近平