中華人民共和國政區

出自維基百科,自由嘅百科全書
跳去: 定向搵嘢
中華人民共和國政區
省級
自治區
直轄市
特別行政區
地級
地級市
(包括副省級市
自治州
縣級
自治縣
縣級市
(包括副地級市)
市轄區
自治旗
鄉級
民族鄉
街道
蘇木
民族蘇木
縣轄區
中華人民共和國政區架構
中華人民共和國
National Emblem of the People's Republic of China.svg

呢篇文係關於
中華人民共和國
政府同政治


中華人民共和國憲法
最高領導人 / 國家元首
習李體制 / 李克強政府
中國共產黨黨徽中國共產黨

Flag of the People's Republic of China.svg 政府國家機構





地方行政區
統一戰線

民主黨派
選舉
睇埋
一國兩制
香港政治 / 澳門政治
兩岸關係
中華民國政治 / 台灣政治

各國政治 • Portal:政治
睇吓  討論  編輯  

中華人民共和國政區粵拼zung1 waa4 jan4 man4 gung6 wo4 gwok3 zing3 keoi1 係指中華人民共和國嘅政區設置、架構,憲法規定嘅架構設置同實際有少少出入。中華人民共和國憲法規定政區架構係三級:第一級有省、自治區、直轄市;第二級有自治州、縣、自治縣、市;第三級有鄉、民族鄉、鎮、區、縣、自治縣、市[1][2]。但實際上嘅政區架構係五級:省級、地級、縣級、鄉級、村級,其中村級政區唔係政權正式級別,叫做「基層群眾自治組織」,唔係政府機關或政府派出機構。

省級[編輯]

現時中華人民共和國有33個省級政區(無計臺灣)。其中:

  • 有22個,中華人民共和國宣稱臺灣省(現由中華民國實際管轄)係第23個省。
  • 自治區5個
  • 特別行政區2個
  • 直轄市4個。雖然係城市但城外嘅縣管有農村地區。典型嘅係重慶市,佢下轄嘅農村地區遠大於市區。

直轄市[編輯]

內文: 直轄市 (中華人民共和國)

直轄市之下轄有區、縣,直接管到縣級,無地級政區。其中重慶有自治縣。

市名 而家官方英文名 傳統英文名 簡稱
北京市 Beijing Peking
天津市 Tianjin Tientsin
上海市 Shanghai Shanghai
重慶市 Chongqing Chungking

各省[編輯]

內文: 省 (中國)
省名 而家官方英文名 傳統英文名 簡稱 省城
安徽省 Anhui Anhwei 合肥市
福建省 Fujian Fukien, Foukien 福州市
甘肅省 Gansu Kansu 甘/隴 蘭州市
廣東省 Guangdong Kwangtung, Kuangtung 廣州市
貴州省 Guizhou Kweichow 黔/貴 貴陽市
海南省 Hainan Hainan 海口市
河北省 Hebei Hopeh, Hopei 石家莊市
黑龍江省 Heilongjiang Heilungkiang, Heilungchiang 哈爾濱市
河南省 Henan Honan 鄭州市
湖北省 Hubei Hupeh, Hupei 武漢市
湖南省 Hunan Hunan 長沙市
江蘇省 Jiangsu Kiangsu, Chiangsu 南京市
江西省 Jiangxi Kiangsi, Chiangsi 南昌市
吉林省 Jilin Kirin 長春市
遼寧省 Liaoning Liaoning 瀋陽市
青海省 Qinghai Tsinghai 西寧市
陝西省 Shaanxi Shensi 陝/秦 西安市
山西省 Shanxi Shanxi 太原市
山東省 Shandong Shantung 濟南市
四川省 Sichuan Szechuan, Szechwan 川/蜀 成都市
雲南省 Yunnan Yunnan 雲/滇 昆明市
浙江省 Zhejiang Chekiang, Chechiang 杭州市

宣稱嘅省[編輯]

內文: 臺灣問題

自1949年成立以來,中華人民共和國就宣稱臺灣係佢嘅省,叫臺灣省,並宣佈中華民國係非法政權。但係而家中華民國不但有效統治咗臺灣省(臺灣島同澎湖),重統治埋福建省金門縣連江縣嘅一部份。與此同時,中華民國宣稱佢嘅法理版圖重包括中國大陸(包括西藏)、外蒙唐努烏梁海[3]。雖然1991年中華民國總統李登輝無正式宣布放棄法理版圖,但實際上修過憲後,喺臺灣嘅國會默認咗家下嘅統治狀況[4]。中華民國政府已經將臺灣省治移出臺北中興新村,並將臺北、高雄、新北、臺中、臺南升格做院轄市(同臺灣省同級),但中華人民共和國唔承認臺灣省治嘅轉移同埋臺灣政區嘅變動。

自治區[編輯]

內文: 自治區 (中國)

自治區(英文:autonomous region)係指定畀少數民族嘅省級政區,根據民族區域自治制度,喺唔違憲嘅情況下有更多嘅權。譬如,佢哋嘅阿頭(自治區人民政府主席,相當於省長;以及自治區嘅人大常委主任或者副主任)會係呢個自治區所指定嘅少數民族(藏族維吾爾族等等)[5];行政上可以用當地通用嘅一到幾種嘅語文[5]。立法上可以根據本地民族嘅政治、經濟、文化特點來制定自治條例同埋單行條例,不過要全國人大常委會批準咗先生效[5]

中華人民共和國係參照蘇聯嘅政體成立自治區。家下有5個自治區。

英文名 少數民族 名(所指定嘅少數民族嘅話) 簡稱 首府
廣西壯族自治區 [6] Guangxi 壯族 拉丁壯文 -
Gvangjsih Bouxcuengh Swcigih
南寧市
內蒙古自治區 [7] Inner Mongolia 蒙古族 蒙古文(傳統、拉丁) -
ᠥᠪᠦᠷ ᠮᠣᠨᠺᠤᠯᠤᠨ ᠥᠪᠡᠷᠲᠡᠺᠡᠨ ᠵᠠᠰᠠᠬᠤ ᠣᠷᠤᠨ /
Öbür Mongghul-un Öbertegen Jasaqu Orun/Inner Mongolia in Mongolian.png
內蒙古 呼和浩特市
寧夏回族自治區 Ningxia 回族 小兒經 -
نٍشيَا خُوِذُوْ ذِجِثُوْ ‎
銀川市
新疆維吾爾自治區 Xinjiang 維吾爾族 維吾爾文(傳統、新維文) -
شىنجاڭ ئۇيغۇر ئاپتونوم رايونى /
Shinjang Uyghur Aptonom Rayoni
烏魯木齊市
西藏自治區 Tibet 藏族 藏文(傳統、拉丁) -
བོད་རང་སྐྱོང་ལྗོངས /
Bod.raṅ.skyoṅ.ljoṅs
拉薩市

民族自治地方[編輯]

由於中華人民共和國實行民族區域自治制度,喺少數民族聚居或者佔優勢嘅地方會設立民族自治地方。呢項制度嘅法律基礎係《中華人民共和國憲法》同埋《中華人民共和國民族區域自治法》。注意,只有省級、地級、縣級嘅民族自治政區先叫做民族自治地方,分別係:

另外,由於盟、旗、自治旗係蒙古地區特殊嘅政區,所以亦係實際上嘅民族自治地方。

而縣級以下嘅,比如民族鄉、民族蘇木、蘇木、民族鎮、民族村等等呢啲,唔係民族自治地方。

特別行政區[編輯]

特別行政區(英文簡寫:SAR)係喺一國兩制嘅體制下有好高程度自治嘅政區,據特別行政區基本法第12條,特別行政區直接受國務院管理。

家下中國有兩個特別行政區:

英文名 簡稱
香港特別行政區 Hong Kong
澳門特別行政區 Macao

地級[編輯]

內文: 地級

地級,又叫地區級,介乎於省級同縣級之間,設喺省、自治區,有呢啲類型嘅政區:

  • 地區:家下幾乎所有地區都變曬做地級市,得返14個地區,主要喺西藏(6個)同新疆(7個),另外黑龍江有1個。
  • 自治州:而家有30個。自治州係地級嘅民族自治地方。其中伊犁副省級自治州
  • 地級市:包括副省級市。到2013年2月8號,全中國有286個地級市[8]
  • :得內蒙古先有,原先嘅盟都變曬做地級市,得返3個盟。

一個地級政區可以包括好多嘅縣、區等縣級政區,亦有唔設縣級政區,直轄到鄉級政區,即係四個唔設區嘅地級市:中山東莞嘉峪關三沙。唔係所有嘅縣級政區都直隸於地級政區,除咗直轄市、特別行政區直管到縣級政區外,亦有啲省、自治區直轄啲縣級市、縣、林區、自治縣。此外有一個特例,即係新疆伊犁州,伊犁州下面管轄嘅兩個地區(塔城、阿勒泰)都同伊犁州一樣係地級,所以伊犁州實質上係副省級自治州。

縣級[編輯]

內文: 縣級

縣級,有呢啲類型嘅政區:

  • (英文:county)。目前維基百科統一譯爲county,不過喺一啲資料譯爲district,甚至係prefecture。
  • 自治縣(英文:autonomous county),係縣級嘅民族自治地方。
  • 縣級市(英文:county-level city),有部分縣級市升為副地級市(英文:sub-prefecture-level city)。
  • 市轄區,簡稱(英文:district),包括副省級市轄區,設喺直轄市、地級市嘅市區。
  • (英文:banner),內蒙古先有嘅縣級政區。
  • 自治旗(英文:autonomous banner),得內蒙古先有,而且得3個。
  • 此外重有一個林區(英文:forestry district/area),受湖北省管轄嘅神農架,以及一個特區(英文:special district),貴州六枝

到2011年底,成個中國大陸有2853個縣級政區,其中有857個區、369個縣級市、1456個縣、117個自治縣、49個旗、3個自治旗、1個特區、1個林區[9]

縣級政區唔一定就屬於地級政區,有啲縣級政區屬於省級政區,比如直轄市、特別行政區下面管嘅區、縣,有啲省、自治區直轄縣級市、縣、林區、自治縣。縣級政區亦可以唔設,比如有四個唔設區嘅市:中山東莞嘉峪關三沙

鄉級[編輯]

鄉級政區喺鄉村地方同城市地方所設嘅政區類型有唔同。

  • 喺鄉村地方
    • (英文:township)
    • (英文:town)
    • 民族鄉(英文:ethnic township)
    • 喺內蒙古會有蘇木(英文:sumu)同民族蘇木(英文:ethnic sumu)
  • 喺城市地方
    • 街道辦事處或者就叫街道街辦(英文:sub-district)

此外重有縣轄區(簡稱),佢嘅行政機構叫區公所(英文:district public office),喺撤區併鄉之前係大部分縣嘅主要政區,因爲佢管埋啲鄉鎮,所以實質佢嘅地位高過一般鄉鎮,介乎於縣同鄉之間。而家得番2處縣轄區,係舊時政區嘅殘積。

最後重有類似鄉級單位,呢啲單位有自己管轄地頭,有類似同級嘅政府嘅管理權限,比如開發區、科技園、大學城、農場、果園、甚至監倉都得。

鄉、鎮、民族鄉、蘇木、民族蘇木呢啲有自己嘅政府;街道、縣轄區其實係縣級政府嘅派出機構,直屬於上頭,無自己嘅政府,相比其他類型無咩點自治。

到2011年底,成個中國大陸有40466個鄉級政區,其中有兩處縣轄區、19683個鎮、12395個鄉、106個蘇木、1085個民族鄉、1個民族蘇木、7194條街道[9]

村級[編輯]

村級政權唔係正式嘅政權,嗌做「基層群眾自治組織」。

  • 喺城市、城鎮環頭
    • 政區嗌社區,有時啲人嗌佢做小區,亦有居住區居民區嘅稱呼,英文譯做communitiesneighborhoods
    • 社區對應嘅組織嗌居民委員會(略:居委會),居委會下面再拆成居民小組
  • 喺鄉下地方
    • 政區嗌行政村),喺遊牧地區,則係設嘎查
    • 政區對應嘅組織嗌村民委員會(略:村委會,英文village committees),村委會下面再拆成村民小組,英文譯爲villager groups

參攷[編輯]

  1. 現行嘅憲法係1982年《中華人民共和國憲法》,其中規定政區劃分嘅條文如下:

    (一)全國分爲省、自治區、直轄市;
    (二)省、自治區分爲自治州、縣、自治縣、市;
    (三)縣、自治縣分爲鄉、民族鄉、鎮。
    直轄市和較大的市分爲區、縣。自治州分爲縣、自治縣、市。

  2. 中華人民共和國行政區劃. 中華人民共和國中央人民政府. . 喺2014年11月22號搵到;. 
  3. 呢個只係大概嘅講法,具體嘅唔止。比如同緬甸有江心坡等等嘅問題,同俄羅斯有江東六十四屯等等嘅問題。正文中嘅內容只係大範圍上嘅版圖部份。
  4. 亦即默認統治範圍限喺臺澎金馬。另外,中華民國同蒙古國已經互設辦事處,維持緊非正式嘅外交關係,換言之已經默認蒙古國作爲獨立主權國嘅事實。但係《中華民國憲法》未有修正。可睇有關外蒙古是否為中華民國領土問題說明新聞參考資料. 中華民國行政院大陸委員會. 2012年5月21號. 喺2013年10月17號搵到;. 
  5. 5.0 5.1 5.2 中華人民共和國憲法 第三章 國家機構 第六節 民族自治地方的自治機關. 新華網. . 喺2014年12月31號搵到;. ,睇其中第一百一十三條、第一百一十四條、第一百一十六條、第一百二十一條。
  6. 廣西簡介
  7. 內蒙簡介
  8. 民政部關於國務院批准設立地級三沙市的公告. 中華人民共和國民政部. 2012年6月21號. 喺2013年2月22號搵到;. 
  9. 9.0 9.1 中華人民共和國民政部區劃地名司:中華人民共和國行政區劃統計表(2011年)