中國大陸

出自維基百科,自由嘅百科全書
Jump to navigation Jump to search

座標: 36°4′1″N 105°57′50″E / 36.06694°N 105.96389°E / 36.06694; 105.96389 中國大陸粵拼zung1 gwok3 daai6 luk6)指中國喺歐亞大陸嘅疆土,係一個政治地理名詞,大概係等於1949年中華人民共和國建國後所管治嘅地方,同中華民國管治臺灣澎湖金門馬祖呢啲島相對。雖則香港澳門當時同中華人民共和國相連,但因分別遲成1997年同1999年主權先畀咗中華人民共和國,兩地唔歸入中國大陸。

中國大陸係中國政局各方同各地華人可以接受嘅名,因為唔會講到係中華民國定中華人民共和國呢個敏感問題。

中國內地[編輯]

係香港同澳門官腔用詞,政治意味濃。「内地」嘅呢種用法,來自大日本帝國[1]

港澳兩處平民用廣州話閒話家常嗰陣時,不嬲會用「大陸」呢個約定俗成,而唔準確嘅地理中性詞。於是乎,喺坊間興起,踩大陸同大陸人嘅花名,每每都係喺「大陸」前後加字而成。當中有啲甚至變成好收得嘅影視作品入面,經典對白嘅一部分,深入心民……久而久之,「大陸」呢個詞偶然會帶來唔多好嘅聯想,令某啲人忌諱。香港同澳門政府,已經揀咗「內地」爾個有殖民主義意思嘅舶來品,來當做文雅用詞。

中國國內[編輯]

中國國內係一種叫法,由海外中國人話中國大陸做中國國內。海外華人包括香港澳門東南亞澳紐美加亞非拉歐洲咁。

祖國[編輯]

其它叫法重有地域意思含糊嘅祖國,喺政治宣傳度猛咁出現,經常用來表示同埋捧個政府。

  1. "在台灣,請別叫中國為「內地」". CUP. 2020-07-07.