大日本帝國

大日本帝國1942年版圖

大日本帝國係日本史上一個政權，由1868年1月3號正式推行明治維新開始，去到1947年5月3號頒佈新嘅《日本國憲法》為止。

大日本帝國國土除咗日本列島之外，曾經「治理」過臺灣（臺灣日治時期）、澎湖列島、庫頁島南部（樺太廳）、朝鮮半島（朝鮮日治時期）做殖民地，亦曾經受國際聯盟委託去管太平洋群島託管地（南洋廳）。1931年發動九一八事變，入侵中國東北，成立偽滿洲國。1937年發動中日戰爭，「治理」咗華北、華中、華南大部份地區。1941年發起太平洋戰爭後，泰國為咗生存就同日本結盟，日本重「治理」過英屬馬來亞、英屬緬甸、英屬香港（香港日治時期）、海峽殖民地、北婆羅洲、沙撈越；法屬印度支那半島（印度支那聯邦）；美屬菲律賓同荷屬東印度（依家嘅印尼）、澳洲管嘅新畿內亞島。