黃毓民

出自維基百科,自由嘅百科全書
跳去: 定向搵嘢
黃毓民

黃毓民1951年10月1號—),花名「教主」、「癲狗」,係香港時事政治評論員、亦係社會民主連線創黨主席、普羅政治學苑嘅創辦人,主持節目言論火爆所以俾人叫「癲狗」,第四屆、第五屆香港立法會議員。佢曾經嚮2008年曾蔭權讀施政報告嗰時,因為生果金件事唔滿意而喺立法會掟。2014年,因為不滿梁振英嘅施政倒行逆施,而喺立法會掟玻璃杯。

屋企[編輯]

黃毓民祖籍廣東陸豐,香港出世。屋企有一個老婆三個仔,曾經喺旺角開過一間台灣牛肉麵鋪頭[1]

事業[編輯]

1993年喺亞洲電視主持《龍門陣》節目而出名,又喺香港商業電台主持過《毓民七鐘敘》、《政事有心人》等烽煙節目。2006年中開始組織政黨社會民主連線」,又做埋社民連發言人。黃毓民對事務同中國文化歷史都好有研究[2]

黃毓民主持節目,言論火爆兼青筋暴現,所以畀人安個花名叫「癲狗」[3],佢都唔介意呢個稱呼,重出過份《癲狗日報》同《癲狗週刊》,後來做唔住摺埋。佢又喺珠海書院新聞系同傳播系教過,最大做到系主任,所以又有人叫佢做「流氓教授」[4]

「五區總辭」同後事[編輯]

2010年1月,黃毓民同埋其他四個議員,包括陳淑莊梁家傑陳偉業梁國雄唔撈立法會議員。不過,佢哋之後參加補選,話借補選畀市民搞「變相公投」,為日後香港政制改革表態[5]。結果,毓民喺補選攞到六萬幾票,成功重返立法會[6]

2012年黃毓民成功連任立法會議員。2016年,黃毓民夥拍馬愉生參選第6屆香港立法會選舉九龍西選區嘅地區直選,但輸畀游蕙禎,連任失敗。

著作[編輯]

  • 《歷史幾狼都有》
  • 《歷史幾串都有》[2]
  • 《歷史幾絕都有》
  • 《歷史幾掯都有》

參考[編輯]