曾鈺成

曾鈺成
出生日	1947年5月17號
出生地	廣州
國籍	香港、中華人民共和國
母校	香港大學
職業	政治人、太平紳士
政黨	民主建港協進聯盟
兄弟姊妹	曾德成
[改維基數據]

曾鈺成

曾鈺成，GBS，JP（英文：Jasper TSANG Yok-sing，1947年5月17號—）係香港政黨民主建港協進聯盟嘅創黨主席，廣東廣州出世，祖籍廣東順德，曾經做過香港行政會議非官守成員、香港立法會議員，同親北京中學香港培僑中學校長，依家重係該校校監。佢曾經協助訓練香港學生參與國際數學奧林匹克。

生平

曾鈺成早年響聖保羅書院就讀，之後升讀香港大學數學系，重以一等榮譽畢業。之後佢到香港培僑中學任教數學，後來更成為校長。

政途

1995年立法局選舉，佢同民協嘅廖成利爭逐立法會議席，由於佢被揭發老婆已獲得外國居留權，被指對九七後嘅香港缺乏信心，最後畀廖成利擊敗。

九七回歸前後，佢出任臨時立法會議員。

1998年立法會選舉，佢帶頭領軍出戰九龍西選區，為民建聯響九龍西奪得一席。佢重一度出任民建聯深水埗支部主席。

前行政長官董建華針對政府響立法會缺乏有力而真正嘅支持，所以響董連任後改組政府，將個別親政府政黨嘅黨領導人委任做行政會議成員，為政府發揮「箍票」作用，於是曾鈺成以民建聯主席身份加入行政會議，成為非官守成員。2003年，民建聯大力支持香港基本法第二十三條儘快立法。七一大遊行之後，民建聯響第二屆區議會選舉失利，佢表示要為敗選負責而自動辭去主席職務，由馬力接任。但係佢仍然做行政會議成員。

響2004年香港立法會選舉九龍西選區以曾鈺成為首嘅名單得票最多。響哩次選舉，曾鈺成嘅民建聯名單（曾鈺成、鍾港武、李慧瓊）得到61,770票，佔九龍西所有有效選票嘅27.13%，比第二名嘅民主黨名單（涂謹申、陳家偉、林浩揚、馬旗）多出1,232票（0.54%）。

家庭

曾鈺成有一弟一妹：

• 細佬曾德成係前香港大公報副社長、港區全國人大代表同中央政策組顧問，前任民政事務局局長。
• 細妹曾勵予

出面網頁

• 曾鈺成嘅官方網站
• "香港政策研究所 - 曾鈺成先生" (用中文寫). 香港政策研究所. 
• 香港網絡大典：曾鈺成
• 曾鈺成嘅Facebook頁

新職位

民建聯主席 1992年—2003年

繼任： 馬力