李家超
| 李家超 ，GBM，SBS，PDSM，PMSM，JP | |
|---|---|
 | |
 香港特別行政區行政長官 | |
現任 | |
| 就任日期 2022年7月1號 | |
| 前任 | 林鄭月娥 |
| 多數票 | 1416票 |
| 香港特別行政區政務司司長 | |
| 任期 2021年6月25號－2022年4月7號 | |
| 行政長官 | 林鄭月娥 |
| 前任 | 張建宗 |
| 繼任 | 陳國基 |
| 保安局局長 | |
| 任期 2017年7月1號－2021年6月24號 | |
| 行政長官 | 林鄭月娥 |
| 前任 | 黎棟國 |
| 繼任 | 鄧炳強 |
| 保安局副局長 | |
| 任期 2012年10月1號－2017年6月30號 | |
| 局長 | 黎棟國 |
| 前任 | 黎棟國 |
| 繼任 | 區志光 |
| 香港警務處副處長（管理） | |
| 任期 2010年3月－2012年9月30號 | |
| 前任 | 任達榮 |
| 繼任 | 馬維騄 |
| 個人資料 | |
| 出世 | 1957年12月7號[1] 英屬香港 |
| 居住地 |  香港何文田帝庭園[1] |
| 學歷 | 公共政策及行政碩士 |
| 母校 | 五邑工商總會學校 九龍華仁書院 查理斯史都華大學 |
| 簽名 |  |
| 花名 | 比卡超[註 1][2]、沙塵超[註 2][3] 、少女殺手[註 3][4] |
李家超，GBM，SBS，PDSM，PMSM，JP（英文：John Lee Ka-chiu，1957年12月7號—[1]），係現任香港特別行政區行政長官兼維護國家安全委員會主席。做過政務司司長，兼且做過候選人資格審查委員會主席。香港警察出身，曾經做過保安局局長、副局長同埋警務處副處長。
簡歷
[編輯]李家超祖籍廣州番禺。小學時期入讀五邑工商總會學校，中學就讀九龍華仁書院。在職進修期間取得澳洲查理斯史都華大學公共政策同行政碩士。
1977年加入皇家香港警察，任職見習督察。1997年升任為總警司。
李家超喺警隊服務33年期間，曾經任職多個唔同部門，負責行動工作、刑事調查、警察投訴、服務質素、人事、訓練、資訊科技系統、財務、政策制訂、策劃同發展等。崗位包括西九龍總區指揮官、助理處長（刑事），同埋刑事及保安處處長。佢有豐富刑事調查，危機管理同保安經驗。
佢離開警隊之前，擔任警務處副處長（管理）一職，負責警隊管理制度嘅發展同運作。原定響2014年退休。
2012年10月1號就任保安局副局長，協助保安局局長制訂政策，管理資源。佢因為做政治任命官員而放棄英國國籍。
2017年7月，李家超出任保安局局長[5]，係史上第一位警察出身嘅保安局局長。任內曾經處理轟動國際嘅反送中運動，佢支持差人嘅立場同言行都係爭議。2020年8月7號，美國財政部宣佈制裁十一位破壞香港自治嘅官員，其中就有李家超[6]。
2021年6月23號，國務院根據行政長官林鄭月娥嘅提名同建議任命李家超爲政務司司長[7][8]，25號公佈同生效，同時免去原保安局局長職務，由警務處原處長鄧炳強接任，實際上李家超同鄧炳強係得到中共直接提拔。李家超成爲頭一位差人出身嘅司長，打破以往都係由政務官任職呢個職位嘅傳統，警察出身嘅李鄧受到中共重用，出現武官治港嘅情況。
2021年6月28號至7月1號，行政長官林鄭月娥去北京參加中國共產黨成立100週年慶祝活動。李家超在任政務司司長三日後，首次署理行政長官職務[9]。7月6號，佢出任香港特別行政區候選人資格審查委員會主席。
2022年4月6號，中聯辦同選委見面，有選委響會後同媒體講「李家超將會係中共唯一支持嘅候選人」，呼籲其他選委支持佢[10]。同日下晝三點，佢交咗辭職信[11]。五點半，佢響記者會上話若果獲批，將會參選2022年香港特別行政區行政長官選舉[12]。4月8號，佢嘅辭職獲得批準[13]；同日佢就交表格參選，仲邀請埋全國人大常委譚耀宗出任辦公室主任[14]。
2022年5月8號，李家超喺第6屆香港行政長官選舉作為唯一候選人以1416票當選。
2022年5月20號，中共國務院總理李克強簽署國務院令，任命李家超為香港第六任行政長官[15]。同年5月30號，李家超響中南海接受李克強頒授任命狀，正式獲任命做香港第六任行政長官[16]，係香港歷史上第一個連政綱都冇就做行政長官嘅人。
爭議
[編輯]妻兒入英藉同「愛國者治港」原則
[編輯]2020年5月30號，《東方日報》披露李家超老婆林麗嬋同兩個仔都揸英國籍[17]。2021年6月25號，李家超啱啱升官，《明報》向政務司長辦公室查詢佢哋咁嘅情況，有冇違背「愛國者治港」原則，收唔到回應[18]。2022年6月20號，爾種矛盾被做過香港總督嘅彭定康提及；渠話香港不停衰落，建議李家超為此鼓勵妻兒保留英國護照[19]。
婚前性行為事實同「衰十一」猜測
[編輯]李家超中學時嘅學業成績唔錯，香港大學工程學系肯收佢，不過李家超冇入讀，轉而走咗去皇家香港警察度打工，佢話噉係由於家庭原因[20]。2021年6月27號，謎米香港引述自稱係李家超中學同學嘅間接報料，獨家指稱詳情係李家超當年未結婚就同人哋做愛，搞大咗對方個肚，被迫輟學，即刻揾錢來養家[21]；《明報》喺2022年4月8號重提關於李家超嘅陳年報道，並列渠嘅結婚年份同大仔李文龍嘅歲數，顯示渠的確令之後嘅老婆林麗嬋未婚懷孕[22]；《信報》亦喺同日作出較為隱晦嘅同類印證[23]。一反慣例，香港政府無公開過林麗嬋爾個特首夫人嘅年紀，令民眾疑惑；2022年5月16號，邵子風喺Facebook出咗條配圖之中有李家超同林麗嬋個樣嘅開玩笑IQ題，讀者計算之後，會得出「李太交配時年齡」為「十一歲、十二歲或十三歲」嘅答案，間接顯示「李生」「衰十一」。[註 4][24]；李家各人同香港政府等方面，皆無否認或承認李家超有「衰十一」。唔少時事評論員同網民，亦因無從確認真相，而作出諸多猜測，甚至懷疑李家超有戀童癖[25]。
發表顛覆常理嘅香港「民主」理論
[編輯]喺聯合國人權理事會第49屆會議期間，舉辦左個「香港明天更美好」主題視像邊會，李家超以港方代表發言講野，聲稱立左《港區國安法》之後，阻止左好多暴力暴亂嘅出現。佢仲話，香港嘅民主進程係喺中共行使主權之後先開始[26]，仲話「完善選舉制度」後嘅立法會有競爭，行事效率高。最後，佢仲話香港嘅各類自由無比人減少到。不過，早喺英屬香港年代，香港英國政府同香港政府喺第二次世界大戰後都有喺香港推動民主同人權工作，但呢啲都受到中共干預同埋其他唔同因素，令1997年之前嘅香港最終未達到全面民主化[27][28][29]。
獎項
[編輯]- 十大現代父親新形象選舉當選（1990年）[30]
- 香港警察榮譽獎章（2000年）[31]
- 香港警察卓越獎章（2008年）[32]
- 太平紳士（2012年）[33]
- 銀紫荊星章（2017年）[34]
- 大紫荊勳章（2022年）[35][36]
參考
[編輯]- ↑ 1.0 1.1 1.2 "Hong Kong-related Designations; Central African Republic Designation". 《美國財政部》 (英文). 2020年8月7號.
- ↑ 吳志隆 (2021-06-27)。〈比卡超憑十萬伏特 李家超呢?〉。《HKG報》。原先內容歸檔喺2022-04-06。
- ↑ 〈屢破大案作風強硬 人稱「沙塵超」〉。《明報》。2022-04-08。原先內容歸檔喺2022-04-11。
- ↑ 星島日報。〈新任特首誕生｜李家超成校內「風頭躉」 同窗形容少女殺手但用情專一〉。std.stheadline.com (中文)。喺2022-07-11搵到。
- ↑ 〈国务院任命香港特别行政区第五届政府主要官员〉 (簡體中文)。中華人民共和國國務院。2017年6月21號。
- ↑ 〈美國宣佈制裁11名中港官員，林鄭月娥首當其衝〉。BBC。2020-08-07。喺2022-04-05搵到。
- ↑ 〈国务院任免香港特别行政区政府主要官员〉 (簡體中文)。中華人民共和國國務院。2021年6月25號。
- ↑ 〈政府公布主要官員任免〉 (繁體中文)。香港特別行政區政府新聞公報。2021年6月25號。
- ↑ 〈行政長官赴京出席中國共產黨成立100周年慶祝活動〉 (繁體中文)。香港特別行政區政府新聞公報。2021年6月27號。
- ↑ 陳嘉洛 (2022-04-06)。〈特首選舉︱01消息：中聯辦晤選委 李家超是唯一人選 籲選委支持〉。《香港01》 (香港中文)。喺2022-04-08搵到。
- ↑ 〈行政長官收到政務司司長李家超請辭 - RTHK〉。news.rthk.hk (臺灣中文)。喺2022-04-08搵到。
- ↑ 〈2022特首選舉｜李家超辭任政務司司長 準備參選行政長官｜據報是唯一候選人〉。《香港財經時報 HKBT | 股票股市分析 | 健康、娛樂、科技、生活資訊新聞》 (香港中文)。2022-04-06。喺2022-04-08搵到。
- ↑ 〈国务院批准李家超辞去政务司司长一职 _大公网〉。www.takungpao.com。喺2022-04-09搵到。
- ↑ 頭條日報。〈特首選戰｜李家超競選辦「雙譚配」 譚耀宗譚志源任正副主任〉。《頭條日報 Headline Daily》 (中文)。喺2022-04-08搵到。
- ↑ 〈李克强主持召开国务院第七次全体会议 决定任命李家超为香港特别行政区第六任行政长官 韩正等出席〉。《新华网》。原著喺2022-05-28歸檔。喺2022-05-20搵到。
- ↑ 〈李克強向李家超頒國務院令 任命為香港第六任行政長官〉。《香港電台》。2022-05-30。原著喺2022-05-30歸檔。喺2022-05-31搵到。
- ↑ 〈港版國安法：港高官持英加澳物業 家人擁外國國籍〉。《on.cc東網》 (香港中文)。喺2021-06-29搵到。
- ↑ 〈李家超妻兒被指持英籍 無回覆「愛國者治港」質疑 - 20210626 - 要聞〉。《明報新聞網 - 每日明報 daily news》 (繁體中文)。喺2021-06-29搵到。
- ↑ 《彭定康说世界现在面对的是一个“巅峰过后的中国”》 (中文)，喺2022-09-05搵到
- ↑ 〈李家超曾獲港大錄取 家庭原因放棄入讀考警隊〉。《香港文匯網》 (中文)。喺2021-12-13搵到。
- ↑ 《(中字)李家超升官三日已成署理特首 夠唔夠威？點解當年唔讀大學的驚天大秘密！〈蕭若元：蕭氏新聞台〉2021-06-27》 (英國英文)，喺2022-09-05搵到
- ↑ 〈曾膺十大父親 李家超：不接納打罵教子 打成一片同時保父親尊嚴 不求子逐名利 - 20220408 - 要聞〉。《明報新聞網 - 每日明報 daily news》 (繁體中文)。喺2022-09-05搵到。
- ↑ 〈信報即時新聞 -- 李家超早年產子 家庭理由放棄港大學位〉。《信報即時新聞》。喺2022-05-16搵到。
- ↑ 〈【IQ題】〉。
{{cite web}}: CS1 maint: url-status (link) - ↑ 《李家超夫人極低調，年齡秘密是否新特首死穴？︱奪命Loudzone (第1節) 22年05月17日》 (英國英文)，喺2022-09-05搵到
- ↑ 〈信報即時新聞 -- 李家超:香港民主進程是回歸後才開始〉。《信報即時新聞》。喺2022-05-16搵到。
- ↑ 〈港英時代爲何沒有民主〉。www.upmedia.mg 上報。喺2021-12-28搵到。
- ↑ 〈香港戰後民主發展：功敗垂成的「楊慕琦計劃」〉。《www.vjmedia.com.hk 輔仁文誌》。原著喺2020-07-02歸檔。喺2021-12-28搵到。
- ↑ 余震宇。〈四十年代末期的政制改革（一）：楊慕琦計劃〉。ET Net。喺2021-12-28搵到。
- ↑ 星島日報。〈李家超當選｜九龍華仁高材生 曾入選「十大父親」〉。std.stheadline.com (中文)。喺2022-09-05搵到。
- ↑ 〈二〇〇〇年授勳名單〉 (新聞稿) (繁體中文)。香港政府新聞公報。2000年7月1號。
- ↑ 〈二〇〇八年授勳名單〉 (新聞稿) (繁體中文)。香港政府新聞公報。2008年7月1號。
- ↑ 〈第6907號公告 太平紳士條例 (第510章)〉 (PDF) (新聞稿) (繁體中文)。香港政府憲報。2012年10月26號。
- ↑ 〈二〇一七年授勳名單 附件：二〇一七年獲授勳銜及嘉獎人士的嘉許語〉 (PDF) (新聞稿) (繁體中文)。香港政府新聞公報。2017年6月30號。頁 10。
- ↑ 〈二〇二二年授勳及委任太平紳士名單〉 (新聞稿) (繁體中文)。香港政府新聞公報。2022年7月27號。
- ↑ 〈二〇二二年授勳及委任太平紳士名單 附件一：二〇二二年獲授勳銜及嘉獎人士的嘉許語〉 (PDF) (新聞稿) (繁體中文)。香港政府新聞公報。2022年7月27號。頁 1。
解畫
[編輯]連結
[編輯]