彭定康
| 彭定康勳爵閣下 The Rt Hon. The Lord Patten of Barnes KG CH PC | |
|---|---|
 | |
 歐盟執行委員會專員 | |
| 任期 1999年9月16號－2004年11月22號 | |
| 主席 | 普羅迪 佐沙·曼維·巴羅佐 |
| 前任 | 布烈坦 |
| 繼任 | 費烈羅-華德納 |
.svg){kind=small} 第28任香港總督 | |
| 任期 1992年7月9號－1997年6月30號 | |
| 君主 | 伊利沙伯二世 |
| 布政司 | 霍德 陳方安生 |
| 前任 | 衛奕信 |
| 繼任 | 無 |
| 保守黨主席 | |
| 任期 1990年11月28號－1992年5月11號 | |
| 黨魁 | 馬卓安 |
| 前任 | 貝肯尼 |
| 繼任 | 范敖林 |
| 個人資料 | |
| 出世 | 1944年5月12號 英國英格蘭蘭開夏郡保頓 |
| 政黨 | 保守黨 |
| 配偶 | 彭林穎彤(Lavender Thornton) |
| 仔女 | 彭潔思(Kathy Pattern) 彭麗思(Laura Pattern) 彭雅思(Alice Pattern) |
| 母校 | 牛津大學 |
| 簽名 |  |
彭定康 男爵（英文：Christopher Francis Patten, Baron Patten of Barnes，成為香港總督前嘅譯名係柏滕[1]或柏頓[2]，1944年5月12號—）係英國保守黨政治人，曾經做過環境部長、保守黨主席同埋最後一任香港總督。香港人一般稱呼佢做「肥彭」。與衛奕信僅兩位在世的前港督之一。
生平
[編輯]早年經歷及從政
[編輯]1942年，彭定康喺蘭開夏郡出世。佢媽媽原本住喺雅息特，但係因為係貝德克閃電戰當中受到空襲而要走難，所以彭定康先係蘭開夏郡出世，並且喺1945年搬咗去西倫敦。佢嘅屋企喺一個傳統嘅愛爾蘭家庭，祖先居住喺洛高文郡度。佢嘅爸爸Frank Pattern係一位音樂書籍出版商，喺讀大學嗰陣退咗學去玩音樂，之後就做咗出版商。
彭定康嘅父母喺佢讀小學嗰陣送咗佢入聖母訪親女修會開辦嘅小學，之後彭定康考到獎學金，升入位於伊寧嘅聖本篤學校
係聖本篤讀完中學之後，彭定康考入咗牛津大學修讀現代史，並且以二級榮譽畢業，攞到學士學位。與此同時，佢都成功獲得柯立芝獎學金(William Coolidge Pathfinder Award)，並獲得機會前往美國。喺美國讀書期間，佢積極投入政治活動，成為共和黨籍紐約市長林賽嘅助選員。返英國之後，佢喺1966年加入保守黨研究部，並且喺1974年升任咗部門嘅研究主任，獲得黨內重視，喺1974年2月英國大選提名佢出戰倫敦嘅琳寶中選區，正式開始咗佢喺英國政壇嘅生涯。
1979-1992: 下議院議員時代
[編輯]1974年2月英國大選，保守黨提名咗年僅32歲嘅彭定康出戰倫敦嘅琳寶中選區，同工黨(英國)嘅Marcus Lipton展開對決。而不出所料，喺呢個工黨支持者多過保守黨支持者嘅紅區，彭定康以七千幾票大敗。1979年英國大選，保守黨再俾37歲嘅彭定康機會，喺傳統嘅藍區巴斯出戰，並且成功當選。自此以後到1992年選舉失利為止，呢13年內無人成功挑戰彭定康嘅地位。
1983年，時任首相戴卓爾夫人任命彭定康為北愛爾蘭事務部政務次官，並喺1985年9月升任教育與科學部嘅國務大臣。第二年9月再升為外交及英聯邦事務部海外發展國務大臣
經歷咗四年後座議員同六年嘅政務官員歷練後，1989年7月，彭定康獲提拔進入內閣，出任環境大臣。佢任內積極咁推動人頭稅(Poll Tax)政策，以及大力促成咗《1990年環境保護法案》(Environmental Protection Act 1990)喺國會通過。
1990年11月，馬卓安(Sir John Major)代替咗戴卓爾夫人做英國首相，並且喺呢個時候委任彭定康做蘭卡斯特公爵領地總裁兼保守黨主席，並且意外地令保守黨喺1992年嘅大選當中勝出。不過，佢自己就喺呢次選舉輸俾對手，無咗巴斯選區嘅下議院議席，從此退出下議院。
1992-1997: 末代港督「肥彭」
[編輯]1992年，馬卓安委任彭定康做第28任港督，直至香港主權移交。佢亦都成為28任港督裡面唯一一位曾經喺上任前做過下議院議員嘅港督。喺呢一年10月，彭定康發表任內第一份施政報告，報告提出政改方案，建議1995年嘅最後一屆香港立法局選舉大幅增加直選議席，取消所有委任議席，又新增九個功能組別（簡稱「新九組」），令所有在職人士都有資格投票（變相令呢九個議席成為直選議席）。搞到中國政府非常嬲，當時嘅港澳辦主任魯平更大鬧彭定康係「千古罪人」。佢嘅政改方案喺1994年6月30號得到立法局通過，並喺1995年香港立法局選舉落實。而北京就表明放棄「直通車」（原本中英雙方協議最後一屆立法局議員可以全部過渡成為特區第一屆立法會議員嘅安排），唔會畀呢一批立法局議員過渡到特區第一屆立法會，而係成立臨時立法會（簡稱臨立會），用嚟喺香港主權移交之後，第一屆特區立法會成立之前，可以通過晒一啲特區成立時「必不可少」嘅法律。而彭定康自宣佈政改方案以後，任內亦再冇同中共領導人會面。
喺香港時間1997年6月30號，彭定康喺港督府主持咗降旗儀式後參加交接典禮。1997年7月1號子夜時分(英國時間1997年6月30號晏晝4點)，佢向英國發出咗英屬香港嘅最後一封電報:「我已經交出咗香港政府嘅行政權，天佑女皇，彭定康。」(I have relinquished the administration of this government. God Save The Queen. Patten.)，之後就同查理斯王子等英方代表搭上不列顛尼亞號皇家遊艇，離開香港。
卸任港督以後，喺2000年至2004年做歐盟外交事務專員，2005年封為英國終身貴族，晉身上議院，封號巴恩斯男爵。
另外，彭定康喺1999年獲聘任做紐卡素大學校監，2003年又選做牛津大學校監。2012年6月20號，佢就以牛津大學校監身份，親自向緬甸反對派領袖昂山素姬頒授榮譽博士學位（個學位應該喺1993年畀昂山素姬，但係嗰陣時昂山素姬畀緬甸軍政府軟禁緊）。
因應香港局勢一直惡化同埋中共干預香港事務，閹割香港民主制度等事宜，佢不時公開發聲批評北京政府，又要求英國對香港人給予更多嘅支持[3]。
相關嘅Wiki文章
[編輯]參考資料
[編輯]喜好
[編輯]參考
[編輯]- ↑ 吳亦安 (1992-05-01)。〈新港督 ：「最佳」的 「淘汰品」〉。《九十年代月刊》。第268號。喺2025-04-24搵到。
- ↑ 〈四位英國國會議員本月下旬來港訪問〉。香港政府新聞處。1979-10-09。喺2025-04-16搵到。
- ↑ Storm.mg (2021-03-06)。〈中國兩會》北京擬改香港選舉制度 美國出聲譴責：這是在攻擊民主-風傳媒〉。www.storm.mg (臺灣中文)。原先內容歸檔喺2021-03-13。喺2021-03-31搵到。
- ↑ 〈【肥彭駕到】帶挈蛋撻舖開20分店 笑言「我應有股份」 ｜ 蘋果日報〉。《Apple Daily 蘋果日報》 (香港中文)。原先內容歸檔喺2021-04-02。喺2021-03-31搵到。
.svg)