蛋撻

出自維基百科,自由嘅百科全書
跳去: 定向搵嘢
新鮮出爐嘅蛋撻

蛋撻,即係用[1],做法係將餅皮放入圓形嘅模,倒入溝埋砂糖雞蛋嘅蛋漿,然後放入焗爐;焗出嚟嘅蛋撻外層係鬆脆嘅撻皮,內層就係黃色瓊埋嘅香甜蛋漿。

歷史[編輯]

由英國傳入,後成為香港著名地道美食。同英式蛋撻分別係,港式蛋撻嘅蛋漿只係溝水,所以又叫撻水,以嫩滑見稱,焗好嘅蛋撻內嘅蛋漿表面滑如水般反光,主張新鮮出爐趁熱食,種類除咗曲奇皮,重有酥皮蛋撻,英式蛋撻嘅蛋漿會混入忌廉、溫呢拿等料,未注入撻殼前已先煮過,蛋撻焗好後要癱凍至室溫,亦都唔會用酥皮。

西方糕點傳入香港後,其中一部份形成西餅呢個港式概念。而蛋撻就衍生出原創嘅港式西餅椰撻

種類[編輯]

香港蛋撻以皮分為牛油蛋撻同埋酥皮蛋撻兩種:

  • 牛油蛋撻撻皮光滑完整,好似一塊盆形嘅餅乾,有浸牛油香味,類似西餅嘅餡批底皮(Pie Crust),食落似曲奇,所以又叫曲奇J皮。
  • 酥皮蛋撻撻皮係一浸浸薄酥皮,近似西餅嘅牛油酥皮(Puff Pastry);但因為用咗豬油(Lard),出來嘅酥皮會粗壯啲;因為撻皮厚啲,所以餡都會少啲。

亦有喺蛋漿入面混入其他料,例如鮮奶撻、汁蛋撻、蛋白蛋撻、朱古力蛋撻同燕窩蛋撻等等。

文化[編輯]

蛋撻作為香港文化嘅標誌之一,亦喺多個大眾娛樂同文化作品中出現。例如:

  • 《牛油蛋撻》,有一首歌以牛油蛋撻作為歌詞嘅歌為人熟知,並無正式歌名,歌詞有多個些微唔同嘅版本,有個版本當中一部份係「滑滑劣劣 似豬膏咁滑 牛油蛋撻無咁滑 撩人面珠 我想錫一啖 嘩 味香滑如食新鮮蛋撻」。
  • 《光輝歲月》為一個以香港回憶作為賣點嘅遊戲,遊戲入面其中一個道具係蛋撻。

[編輯]

  1. 係英文“tart”嘅譯音,指餡外露嘅;餅皮包實啲餡嘅就叫(pie)]