昂山素姬

昂山素姬
姓名原文	အောင်ဆန်းစုကြည်
出生日	1945年6月19號  （76歲）
出生地	仰光
國籍	緬甸
母語	緬甸文
通曉	緬甸文
信奉	佛教、南傳佛教
學位	哲學博士
母校	Lady Shri Ram College for Women、Basic Education High School No. 1 Dagon、St Hugh's College、倫敦大學亞非學院、University of Delhi
職業	政治人、作家、human rights activist
僱主	聯合國
政黨	全國民主聯盟
名作	Freedom from Fear
配偶	Michael Aris
仔女	Alexander Aris、Dannian Kim Arundel Aris
阿爸	Aung San
阿媽	Khin Kyi
兄弟姊妹	Aung San Oo
[改維基數據]

昂山素姬

昂山素姬（緬甸文：，拉丁轉寫：Aung San Suu Kyi，1945年6月19號—）係緬甸政治人，2016年至2021年期間做過緬甸國務資政（類似總理嘅職務），亦都係緬甸全國民主聯盟嘅創辦人之一。致力推動民主，畀緬甸軍政府軟禁響屋企。

佢阿爸係昂山將軍，1947年同英國談判緬甸獨立；同年畀政敵刺殺。

名

昂山素姬唔係姓「昂山」，佢剩係得名，而無姓，因為緬甸人係無「姓氏」呢個概念。佢嘅名係來自佢屋企人嘅名，「昂山」來自阿爸，「素」來自阿嫲，「姬」來自阿媽。緬甸人會叫佢做「ဒေါ် ေအာင္ဆန္းဆုဳကည္」（拉丁轉寫：Daw Aung San Suu Kyi）。「ဒေါ်」喺緬甸話裏面係一種對年長女性嘅尊稱，等於「女士」。

個人經歷

早年

1945年6月19號，昂山素姬喺英屬緬甸仰光出世。1947年，佢阿爸昂山將軍為緬甸獨立同英國談判，同年被政敵暗殺。1960年，15歲嘅昂山素姬跟住做咗印度大使嘅阿媽去咗印度。1964年，喺印度中學畢業後入英國牛津大學聖休學院（St Hugh's College），得到文學學士學位，主修經濟、哲學與政治，重識咗佢未來老公米高·阿里斯（Michael Aris），婚後生咗兩個仔，亞歷山大·阿里斯（Alexander Aris）同金·阿里斯（Kim Aris）。之後喺倫敦大學嘅亞非學院讀完博士課程。

政治生涯

2011年12月，希拉莉同昂山素姬見面

1988年3月，為照顧中風病危嘅阿媽，昂山素姬匆匆告別佢老公同兩個仔，返到仰光。同年8月8號，緬甸發生「8888民主運動」，長期執政嘅「社會主義綱領黨」領袖尼溫將軍下台，但新嘅軍政府隨後掌權。爭取民主嘅示威群眾最終遭到軍隊嘅血腥鎮壓。好多受害者、激進分子同退役高級軍官，要求佢出嚟領導民主運動。深受聖雄甘地嘅非暴力理論影響，昂山素姬開始參與政治，並致力於推行民主制度。佢知道唔可以用以暴制暴嘅手段嚟解決國內嘅危機，因為呢種方法表面上最有效果，實際上會令自己墮落到同軍政府一樣嘅地步。

喺1988年8月26號，仰光近百萬群眾喺雪德宮大金塔西門外廣場集會，昂山素姬第一次面對咁多民眾發表演說。喺佢首次公開發表重要演講嘅前夕，政府曾經散播要刺殺佢嘅謠言，但佢唔驚任何威脅。

到咗1988年9月27號，昂山素姬組建咗全國民主聯盟，並出任主席同總書記。全國民主聯盟發展得好快，重做咗全緬最大嘅反對黨。1989年7月20號，軍政府以煽動騷亂罪軟禁昂山素姬，並開出條件，如果昂山素姬肯被軍政府驅逐出境嘅話，就可以獲得自由，但昂山素姬拒絕咗。

昂山素姬同佢阿爸昂山將軍嘅政治理念係唔同嘅，昂山將軍係緬甸共產黨嘅創始人之一兼總書記，支持嘅係「共產國家發展」，而昂山素姬支持嘅係「民主國家發展」。

攞諾貝爾和平獎

1990年，喺巨大嘅國際壓力下，緬甸軍政府於舉行大選，昂山素姬嘅全國民主聯盟壓倒性咁贏咗。正常嚟講，昂山素姬理應成為緬甸嘅總理，但選舉結果被軍方作廢，重宣布民盟係非法組織，拒絕交出政權，繼續監禁昂山素姬。此外，軍方整咗個「恢復國家法律和秩序委員會」嚟掌握政權，後來又將佢改名做「國家和平與發展委員會」。軍方嘅行為引發國際間猛烈批評。喺呢一年，昂山素姬攞咗薩哈羅夫獎。

1991年，昂山素姬重攞埋諾貝爾和平獎，不過無法親自去挪威領獎，只好畀個仔代佢發表答詞。

個人榮譽

• 薩哈羅夫獎（1990年）
• 諾貝爾和平獎（1991年）
• 香港大學名譽法學博士（2012年）