羅淑佩

羅淑佩（英文：Rosanna Law；1967年12月12號—）係香港主要官員，自2024年12月開始做文化體育及旅遊局局長。

簡歷

羅淑佩1989年加入香港政府，2010年到2016年做旅遊事務副專員；2016年到2020年做政制及內地事務局副秘書長；2020年到2023年做運輸署署長；2023年到2024年做房屋局常任秘書長兼房屋署署長。

軼事

羅淑佩喺2023年接受電台節目訪問時提到自己係陳卓賢嘅歌迷，所以畀坊間叫做「Hellosss署長」（「Hellosss」係陳卓賢歌迷嘅外號）、「Ian嫂」，而佢喺公餘時間亦有出席陳卓賢嘅公開活動。

爭議

「軟對抗」言論被指打壓文化藝術發展

喺2025年6月，正值北京未經諮詢或者香港人同意，強行訂立嘅《港版國安法》落實5週年，好多官員接受訪問時提到「軟對抗」。羅淑佩曾經話，「軟對抗」可能會以歌詞、故事情節等形式出現，要時刻保持警惕，會更加嚴謹地處理資助審批、場地表演、展覽內容同圖書館藏等。劇作家莊梅岩就喺社交平台上批評「軟對抗論」，質疑「會冤枉幾多無辜嘅人同作品，造成幾多傷害同怨恨」。佢又話，局方嘅高、中、下層人員，每一層都將藝文界放喺顯微鏡下審視，擔心可能為咗討好上級，或者因為驚犯錯，而將任何蛛絲馬跡、任何人嘅投訴都納入「軟對抗」，質疑「冤枉幾多無辜嘅人同作品，造成幾多傷害同怨恨？」佢又指，近年有太多製作同藝術家遭遇「看得見嘅取消同看唔見嘅封殺」，期盼當局可以有「更英明嘅指引」。