譚耀宗

出自維基百科,自由嘅百科全書
跳去: 定向搵嘢

譚耀宗GBSJPTAM Yiu-chung1949年12月15號—),英國商業管理學會永遠榮譽會士,曾修讀澳洲國立大學延續教育部成人教育課程 。現任香港立法會議員同民建聯主席。

屋企[編輯]

譚耀宗祖籍廣東惠陽,不過佢就喺香港出世。

政途[編輯]

譚耀宗係資深左派工會人士,現任工聯會副理事長,全國政協委員。民建聯成立後,佢一直係民建聯成員。佢響1985年1995年間循勞工界功能組別獲選為立法局議員,但佢響1995年立法局選舉中,敗於民主黨李華明而短暫告別議會工作。1996年12月,佢被委任做臨時立法會議員。

1997年2002年間佢被委任做行政會議成員。1998年,佢以民建聯名單排頭位出選新界西選區,成功重返立法會。2004年佢再透過新界西直選進入立法會,同區對手有脫離民主黨嘅陳偉業,民主黨李永達、陳琬琛名單,何俊仁、張賢登名單,職工盟李卓人、葉岳峰名單,同埋自由黨周梁淑怡、丁午壽名單等。

2007年8月民建聯主席馬力死後,民建聯常委會選譚耀宗接任民建聯主席。

出面網頁[編輯]

前任:
馬力
民建聯主席
2007年
繼任:
現任