李國英 (香港)

李國英
出生日	1949年11月18號  （69歲）
母校	Wong Shiu Chi Secondary School
職業	太平紳士
政黨	民主建港協進聯盟
[改維基數據]

 李國英（粵拼：lei⁵ gwok³ jing¹） ，BBS，MH，JP（英文：Li Kwok-ying；1949年11月18號—），係香港新界原居民，籍貫爲廣東寶安，人稱「煲呔英」，係香港執業律師、前香港立法會議員、大埔區（大埔墟）區議員、民主建港協進聯盟成員、新界鄉議局委員。李國英喺香港新界大埔林村出世。

李國英喺1972年遠赴英國修讀法律課程，又喺當地娶妻生子。佢老婆係民主黨立法會議員鄭家富嘅表妹。佢喺1992年返香港發展，並返回大埔林村鄉間開設律師事務所，服務新界原居民。冇耐，佢就喺沙田參與社區工作，重認識喺沙田從事地區工作嘅民建聯黨員彭長緯（家下沙田區議會副主席），後來彭長緯推薦佢加入民建聯。2000年，區議會選舉中，李國英喺大埔區議會嘅大埔墟選區，順利當選區議員，重喺2003年當選連任。2000年，佢選為新界鄉議局增選委員。2004年，劉江華夥拍李國英，代表民建聯參選立法會新界東直接選舉，並「爆冷」贏得立法會議席，同黨友兼同鄉張學明雙雙成為首次響立法會直接選舉當選嘅新界原居民。佢同劉皇發、林偉強、張學明，合稱「立法會鄉事四子」。2008年7月，只做咗立法會議員四年，李國英宣佈唔會再選。

李國英曾經係民建聯裹面，唯一有專業律師資格嘅立法會議員。

出面網頁

• "大埔區議會 - 大埔區議會議員資料" (用中文寫). 大埔區議會. 
• "民建聯網站" (用中文寫). 民建聯大埔支部.