譚香文

唔好同譚炳文及譚耀文搞亂。

譚香文（TAM Heung-man；1957年 6月8號—）係香港執業會計師，香港立法會（功能組別會計界）前議員（2004年-2008年），黃大仙區議會議員（2003年-2007年、2012年-）。佢係泛民主派嘅一員。

從政生涯[編輯]

2003年11月23號，佢以鑽石山私人屋苑「星河明居」業主委員會嘅身份，由原區議員蔡六乘手上贏咗黃大仙區議會龍星選區議席。

2004年9月12號，喺泛民主派支持下，佢再喺功能組別會計界以相差37票之微當選立法會議員，打敗咗龔耀輝同陳茂波。

2007年2月2號，佢喺搭地鐵期間，不滿隔離嘅青年用手提電話講粗口報警。

同年區議會選舉，佢競逐連任失敗，輸畀上次對手蔡六乘。

2008年立法會選舉，佢競逐連任失敗，輸畀陳茂波。

2009年6月8號，佢認為公民黨忽視基層需要，而退出公民黨。

2011年區議會選舉，佢再贏蔡六乘，攞返黃大仙區議會議席。

2013年佢加入人民力量。

2015年區議會選舉，佢贏咗對手林作，成功冧莊。

2019年第6屆香港區議會選舉，譚香文以6098票打低莫嘉傑、陳進雄、岳敬寬（蔡六乘徒弟），榮膺當屆區選嘅票后。

譚香文祖籍廣東順德，而佢係香港出世。出世時佢喺九龍何文田木屋區（取名「香文」寓意「香港何文田」），之後佢屋企搬到九龍黃大仙東頭邨七層大廈，亦喺嗰度大。