順德

出自維基百科,自由嘅百科全書

順德粵拼seon6 dak1)喺廣東南面珠江三角洲,東面係番禺,南面係中山江門新會,西面係鶴山高明,而北面係禪城,同南海。家下係佛山市嘅市轄區,叫順德區,區治大良。境內有唔少河涌,土地肥沃,所以漁農業都好發達。1980年代改革開放後,因為響香港有唔少原籍順德嘅人士,所以有唔少香港廠家響度起工廠,投入資金,令佢成為南方一個輕工業重鎮,其中以電器最出名,成為咗「廣東四小虎」之一,亦都係中國大陸廣東省最富庶嘅地方之一。

地理[編輯]

順德係南番順三邑之一

[編輯]

順德北有都寧,西面有天湖,西北面有西淋山[1]

[編輯]

北江水由南海入順德,叫河澎海,再向東南,屈返北,到扶閭海,之後又到東纍石海。北江分支,主流入番禺,過咗沙灣水,就流入珠江。另一支去到板沙海入中山。[1]

西江水都由南海入順德,經甘竹灘水分支,東支去到板沙海同北江支流會合。另一支過仰船岡,到仰船海,過江門新會作海。[1]

[編輯]

乾隆時,順德縣歸廣州府

秦朝到東晉,順德塊地基本上係番禺縣地方,南北朝到明朝初期屬南海縣同新會縣地頭,中間五代十國嗰時喺咸寧縣。唐代陣順德度開始有墟市。

南漢乾亨元年(917)改廣州做興王府,仲照著唐長安嘅建置,將新會縣拆成咸寧、常康兩縣同永豐、重合兩場,以拱衛都城。咸寧縣治就喺而家嘅順德北滘簡岸路村。宋開寶四年(971)南漢畀滅咗後,咸寧等同番禺、四會畀合成返做南海縣。到宋陣開始多人住落,譬如碧江村就喺呢陣建立,以造紙同醃筍而出名。南宋末年北方民眾走難落來,順德嘅人口就猛增。

朝廷為強化控制創順德[編輯]

明朝正統十四年(公元1449年)黃蕭養起義後,朝廷為咗加強管治,景泰三年(公元1452年)將南海嘅東涌、馬寧、鼎安、西淋四都同新會嘅白藤堡(1958年10月復歸新會縣)劃出,創置咗順德縣,有「順天明德」嘅意思,縣治係原廣州府南海縣大良堡,改埋名做大良[2]

當其時南有馬寧巡檢司,北有紫泥巡檢司。西有江村巡檢司,後尾搬去西北查浦。北有都寧巡檢司,後尾搬去都粘堡。東南便有馬岡巡檢司,後尾廢咗[3]

後期[編輯]

明、清兩代順德係由廣州府管轄嘅。大清時經順德就發展得好富庶。當時縣治響容奇,(據 祝鹏《廣東省廣州市佛山市沿革地理》,縣治一路都響大良)有一個縣丞。又設紫泥江村馬寧北都寧四巡司。光緒二十三年,大清同英國簽中英緬甸條約,其中響西江邊開甘竹商埠。[1]

民國都劃分都無乜大變,全縣分成十區。到1914年6月屬粵海道管理。1920年廢道後就直屬咗省。

共和國時代[編輯]

1949年10月28號,中國人民解放軍進佔咗順德,到1950年3月20號成立咗順德縣嘅人民政府,係隸屬珠江行署。

1958年陣,當局將順德同番禺兩縣合併咗,改埋名叫番順縣,係隸屬佛山專區。不過到1959年6月就拆返出來,但順德就繼續由佛山專區嚟到管著。一路到咗1983年實行咗市管縣體制,成個順德就一路畀咗佛山嚟到管轄。

最後,2003年起變成佛山市下面一個區,是為順德區

而家嘅建置[編輯]

順德而家係歸屬咗佛山市,成咗下邊嘅一個市轄區,北便係禪城區南海區,西便都係南海區。而市外,東北便係廣州市荔灣區,東便係番禺區,南係中山市,西南便係江門城區,西便係鶴山縣

[編輯]

  1. 1.0 1.1 1.2 1.3 清史稿。志,地理,廣東
  2. 順德歷史 順德聯誼總會
  3. 明史。地理。福建、廣東、廣西