連山

連山（粵拼：lin⁴ saan¹）喺中國廣東，家下係清遠市下嘅自治縣，叫連山壯族瑤族自治縣。佢舊時係個縣，叫連山縣。大清時改過做直隸廳，叫連山直隸廳或者連山綏瑤直隸廳。民國又改返做縣，共和國改做自治縣。

地理

山

連山北便有昆湖山。西北有鍾留山、大霧山。南有黃帝源山，又叫黃連山，中有大排瑤五，小排瑤二十四。

水

連山南有高良水，又叫大獲水，上源係橫水，出西北天堂嶺，東南流，過廳治南，屈東北，同茂古水合。過雞鳴關入連州，合於湟水。

上吉水出廳西分水坳，西南流，到木羌墟，八排瑤水由東南注入，屈西北，過鐘山，入廣西賀縣，所以賀江另一個源。

史

大清時，本來叫連山縣，隸廣州府。雍正五年，改隸連州。嘉慶二十一年，升為綏瑤廳。連山直隸廳歸南韶連道。有宜善巡司。