普通話拼音

出自維基百科,自由嘅百科全書
跳去: 定向搵嘢

 普通話拼音粵拼pou2 tung1 waa2 ping3 jam1 ,中華人民共和國官方叫佢做漢語拼音hon3 jyu5 ping3 jam1(普通話拼音:Hànyǔ pīnyīn),簡稱拼音,係用拉丁字母記寫漢字普通話音嘅轉寫體系。係由中華人民共和國政府喺1958年所創,1979年取代咗威式拼音成為英文拼寫中國大陸人名、地名嘅標準拼音。

字母表同英文字母表一樣。喺拼寫上,呢套拼音根據普通話嘅語音分成咗聲母表同韻母表,聲母有21個[1],韻母有37個,另外重有4個聲調符號同1個隔音符號。

聲母[編輯]

包括每個音節開頭嘅輔音,但係唔包括零聲母嘅情況。上面嗰個係拼音字母,下面係國際音標

塞音 塞擦音 擦音 鼻音 邊音
清音 清音 清音 濁音 濁音 濁音
不送氣 送氣 不送氣 送氣
雙唇音 b
/p/
p
//
m
/m/
唇齒音 f
/f/
齒齦音 d
/t/
t
//
z
/ts/[2]
c
/tsʰ/[2]
s
/s/[2]
n
/n/
l
/l/
捲脷音 zh
/ʈʂ/
ch
/ʈʂʰ/
sh
/ʂ/
r
/ʐ/[3][4][5][6]
齦顎音 j
//
q
/tɕʰ/
x
/ɕ/
軟顎音 g
/k/
k
//
h
/x/

聲母表個順序:

 b p m f   d t n l   g k h   j q x   zh ch sh r   z c s  .
拼音字母 b p m f d t n l
注音字母
拼音字母 g k h   j q x
注音字母  
拼音字母 zh ch sh r z c s
注音字母

韻母[編輯]

下列普通話拼音37個韻母,每一格嘅第一行第一個係唔拼聲母嘅寫法;第二個係拼聲母嘅寫法;第三個係IPA;第二行第一個係注音字母,第二個係例字。注意帶-r係標示呢個韻母兒化咗,唔係話個-r會發音[7]

開口呼 齊齒呼 合口呼 撮口呼




-i [ɿ]/[ʅ]
「字」「指」嘅韻母[8]
yi -i [i]
丨 衣
wu -u [u]
ㄨ 烏
yu -ü/-u [y][9]
ㄩ 迂
a -a [a][10]
ㄚ 啊
ya -ia [i̯a][10]
丨ㄚ 呀
wa -ua [u̯a][10]
ㄨㄚ 蛙
o -o [o̞][11]
ㄛ 喔
wo -uo [u̯o]
ㄨㄛ 窝
e -e [ɤ][12]
ㄜ 鵝
ê [e̞][13]
ㄝ 誒
ye -ie [i̯e̞]
丨ㄝ 耶
yue -üe/-ue [y̯e̞][9]
ㄩㄝ 約
er [ɚ][7][14]
ㄦ 兒




ai -ai [aɪ̯]
ㄞ 哀
wai -uai [u̯aɪ̯]
ㄨㄞ 歪
ei -ei [eɪ̯]
ㄟ 誒
wei -ui[15] [u̯eɪ̯]
ㄨㄟ 威
ao -ao [ɑʊ̯][16]
ㄠ 熬
yao -iao [i̯ɑʊ̯]
丨ㄠ 腰
ou -ou [oʊ̯]
ㄡ 歐
you -iu[17] [i̯oʊ̯]
丨ㄡ 優




an -an [an]
ㄢ 安
yan -ian [i̯ɛn]
丨ㄢ 煙
wan -uan [u̯an]
ㄨㄢ 彎
yuan -üan/-uan [y̯ɛn][9][18]
ㄩㄢ 冤
en -en [ən]
ㄣ 恩
yin -in [in]
丨ㄣ 因
wen -un[19] [u̯ən]
ㄨㄣ 温
yun -ün/-un [yn][9][20]
ㄩㄣ 晕
ang -ang [ɑŋ]
ㄤ 昂
yang -iang [i̯ɑŋ]
丨ㄤ 央
wang -uang [u̯ɑŋ]
ㄨㄤ 汪
eng -eng [ɤŋ]
ㄥ 「亨」嘅韻母
ying -ing [iŋ]
丨ㄥ 英
weng[21] [u̯ɤŋ]
ㄨㄥ 翁
-ong[21][22][23] [uŋ]
ㄨㄥ 「轟」嘅韻母
yong -iong[22][24] [yŋ]
ㄩㄥ 雍

聲調[編輯]

普通話四聲調值曲線法表示

普通話入面有四個聲調同埋輕聲:[25]

  • 第一聲陰平,或平調¯
  • 第二聲陽平,或升調ˊ
  • 第三聲上聲,或上音ˇ
  • 第四聲去聲,或去音ˋ

爭議[編輯]

雖然官方稱之為「漢語拼音」,但實際上唐話萬萬千,各地語音唔同,呢套拼音只能夠拼寫到普通話嘅語音,論拼寫廣府話就要另造拼法,而佢拼寫體系中以清濁字母分別對應送氣、冇送氣聲母嘅做法,面對江浙話、福建話呢啲塞音三分(清濁+清音送氣不送氣)嘅語言就更加拼寫唔到。而呢啲南方唐話都係「漢語」,所以有人認為呢個名名不副實。

而家普通話拼音係中國大陸漢族地方統一嘅地名、人名英文寫法,唔似港澳、外國唐人個名可以據佢自身母語發音來拼寫,畀一啲人認為係一種文化打壓。好似廣州廈門天津英文名由Canton[26]、Amoy、Tientsin改成Guangzhou、Xiamen、Tianjin,就畀當地市民窒,因為呢啲舊名伴隨嗰時嘅國際聲望通行世界,已經成為城市招牌,換咗個名令人認唔出,等於損失咗品牌資源。

教育之中,普通話拼音作為推普工具、漢字注音工具,成為唯一嘅注音標準,結果令一啲人母語水平下降,望到隻字只曉得普通話讀音,而唔知母語讀音。

而一啲人質疑拼寫嘅合理性。比如j、q、x、zh呢一類嘅拼寫,用英文來發唔似原音,有時可能連點讀都唔知,不過爾種情況喺其它一尐拼音方案入面都會有。

不過有啲人認為普通話拼音方便咗唔同地區嘅中國人溝通,並且對中文數碼檢索、圖書館學等有極大貢獻,唔可以抹殺。

[編輯]

  1. 小學教學會將 y 同 w 放喺下面列出嘅21個聲母後面,變成 23 個聲母
  2. 2.0 2.1 2.2 據趙元任著《國語入門》,/ts//tsʰ//s/分別發成齒音[t̪s̪][t̪s̪ʰ][]
  3. 字母「r」喺標準普通話度係發[ʐ],不過有啲方言入面會發成捲脷近音[ɻ]。
  4. 邵敬敏 (2011). "第一章、語音 第二節、音節分析:元音和輔音". 《現代漢語通論》(第二版). 上海教育出版社. 第 第25頁頁. ISBN 978-7-5444-1349-7. 擦音:成阻部位不完全封閉氣流通道,構成氣流阻礙的兩個部分之間留一條窄縫,讓氣流從中擠出,磨擦成聲。擦音除阻可以適當延長,共有6個:f[f]、s[s]、sh[ʂ]、r[ʐ]、x[ɕ]、h[x] 
  5. 葉蜚聲、徐通鏘 (2012). "第三章、語音和音系 第三節、從發音生理看語音 四、輔音". 《語言學綱要》(修訂版). 北京大學出版社. 第 第59頁頁. ISBN 978-7-301-16310-8. 北京話中大多數人「日」的起首輔音是個與與捲舌擦音[ʂ]的發音部位和姿態都相同但聲帶振動、磨擦更小的近音[ɻ] 
  6. 葉蜚聲、徐通鏘 (2012). "第三章、語音和音系 第三節、從發音生理看語音 四、輔音". 《語言學綱要》(修訂版). 北京大學出版社. 第 第63頁頁. ISBN 978-7-301-16310-8. 北京話的r有的教材上標做捲舌濁擦音[ʐ],但實際上它的磨擦很小,當是捲舌近音[ɻ]。 
  7. 7.0 7.1 喺普通話拼音入面都喺韻母後面加個-r來標示兒化,除咗ê同er之外嘅韻母都可以兒化。有時兒化咗嘅實際發音唔符合拼寫,但都照原先嘅拼寫拼、再加個-r。兒化音好多時睇做音變,唯有er作為正式字音,不過唔拼聲母。
  8. 字母-i拼z、c、s後面時發前高不圓唇舌尖元音,zh、ch、sh、r後面時發後高不圓唇舌尖元音,呢兩個音唔會單獨發,一定要接呢兩類聲母,對應嘅注音字母係「ㄭ」(U+312D.svg),但好少用。舌尖元音比較罕見,普通話係一例。四呼度,雖然[i]屬齊齒呼,但舌尖元音屬開口呼。參攷《現代漢語通論(第二版)》31頁嘅普通話韻母總表。另外實際上呢兩個音標符號唔屬於現行IPA,現行IPA唔同學者有唔同寫法,見zh:國語元音圖#元音符號沿革,呢度沿用傳統嘅標音來區分呢兩隻音。
  9. 9.0 9.1 9.2 9.3 音標[y]嘅字母寫法係ü,不過當ü出現喺j、q、x、y後面嘅時候幾乎都寫成u,雖然《漢語拼音方案》無硬性規定(注意,j、q、x係聲母,而y唔係聲母,而係ü行韻母喺零聲母情況下用嘅隔音字母)。而喺l、n後面要寫成ü。而家一般嘅普通話拼音輸入法度,因為ü呢種變種字母唔易打,所以會用v代替,比如「綠」嘅拼音係lǜ,打字時打成lv。
  10. 10.0 10.1 10.2 喺普通話韻母總表度用失咗效嘅IPA[ᴀ](一個細啲嘅大楷字母A),而家呢度用現行嘅IPA標示。
  11. 喺韻母總表度用嘅係失效IPA[ǫ],叫「後中圓唇舌面元音」。而-uo則同而家噉。
  12. 部分語言學軟件用雙元音[ɯ̯ʌ]
  13. 呢個音唔拼聲母,獨用喺「誒」「欸」呢啲嘆詞嘅字音,而有韻頭時可以拼聲母。韻母總表用嘅係舊式IPA[ᴇ](一隻細啲嘅大楷字母E)。
  14. 普通話韻母總表中,國際音標寫成[ɚ],而部分語音學轉換軟件會使用[ɑɻ],根據朱曉農著《語音學》,er 讀唔同聲調嘅時候音位有明顯差異。
  15. 全寫係-uei,不過一般慳成-ui,比如「回」(huí)
  16. 後面係-o嗰時,個韻腹發音偏後。
  17. 全寫係-iou,不過一般慳成-iu,比如「柳」(liǔ)
  18. 喺普通話入面-üan衹會出現喺j、q、x、y後面,所以現實中幾乎衹會寫成-uan,雖然《漢語拼音方案》無硬性規定
  19. 全寫係-uen,不過一般慳成-un,比如「村」(cūn)
  20. 喺普通話入面-ün衹會出現喺j、q、x、y後面,所以現實中幾乎衹會寫成-un,雖然《漢語拼音方案》無硬性規定
  21. 21.0 21.1 唔接聲母,同-ong好似,注音字母亦相同,不過-ong只接聲母唔單獨發音。
  22. 22.0 22.1 呢度沿用普通話韻母總表講法,不過傳統上會將-ong入合口呼,-iong入撮口呼。可見中國華文敎育網:漢語拼音拼寫的幾個問題
  23. 普通話韻母總表用[uŋ],部分語言學軟件用[ʊŋ]
  24. 普通話韻母總表用[yŋ],部分語言學軟件用[i̯ʊŋ]
  25. 王力 (2002). 汉语音韵. 北京: 中华书局. ISBN 9787101008319. 
  26. 亦可以指廣東