大清

出自維基百科,自由嘅百科全書
跳去: 定向搵嘢
中國史
中國史
中國考古
傳疑時代(參考三皇五帝
西周  
春秋 東周
戰國
西漢
新朝
東漢
三國
西晉 十六國
東晉
南北朝

(參考武周
五代十國
北宋
西遼
南宋 西夏
中華民國
中華人民
共和國
中華民國
(參考台灣問題

首都 初建都於赫圖阿拉,後瀋陽
1644年遷都北京
清朝地圖
君主
 -開國君主
 -滅亡君主
共11位
愛新覺羅皇太極
愛新覺羅溥儀
建立 1616年號金;1636年改號大清
滅亡 1912年


大清[1],亦叫做大清國大清帝國等,或者係就咁叫,廣府人叫滿清,係中國境內一。佢亦係中國史上最後一個皇朝,叫清朝。大清係滿人統治,發源響今日中國東北地方,皇帝全部姓愛新覺羅。大清係1616年努爾哈赤創立,最初叫,史稱後金。1636年先改國號做大清。1644年越山海關進入中原,滅大明大順,以及平定四周諸國,直至1911年尾溥儀退位而亡。國由中華民國接手。

中國斷代史來講,清朝係入關開始計,接住明朝,為中華民國所代,年份由1644年1911年

外文原先多數叫大清做Ch'ing。響1958年,有漢語拼音系統之後,外文逐漸寫做Qing。

1899年立嘅大清國旗,又叫黃龍旗

[編輯]

滿人,原本係女真人,一直住響滿洲,即係今日叫嘅東北。大明皇帝朱元璋(洪武皇帝),為咗壓制元朝(北元)勢力,響滿洲一帶設遠東指揮使司,開始落手控制女真部各族。女真建州猛哥帖木兒(努爾哈赤六世祖)嗰陣係大明建州衛左都督,北方有部族勢力強大,南下壓迫住建州女真。猛哥帖木兒被殺,建州部被迫南移,最後定居赫圖阿拉(之後改稱為興京,喺今日中國遼寧省新賓縣境內)。

南移後,建州女真部同大明交往密切,建州部社會生產力提高,經濟繁榮,開始有八旗制。咁啱呢個時候,係努爾哈赤任大明建州部阿頭。1583年(大明萬曆十一年),努爾哈赤襲封為指揮使,以祖、父遺甲十三副,相繼兼併海西女真部,征服東海女真部,統一咗分散在滿洲各地嘅女真各部。

立國[編輯]

1616年(大明萬曆四十四年),努爾哈赤響赫圖阿拉稱汗,建立大金(史稱後金),改元天命,定都赫圖阿拉。1618年(天命三年,大明萬曆四十六年),努爾哈赤公告「七大恨」嘅討明檄文,起兵反明。1621年遷都遼陽,叫東京。1625年又遷都瀋陽,改名盛京。1626年,努爾哈赤響寧遠之戰一役中,畀明軍大炮打到重傷,無幾耐就死咗。

1627年,努爾哈赤第八仔皇太極繼位。1636年(大明崇禎九年),皇太極改國號做大清,改元號為崇德稱帝。1643年皇太極病死,九仔愛新覺羅福臨(順治皇帝)繼位。

入關[編輯]

1644年(甲申年,大清順治元年,大明崇貞十七年,大順永昌元年),李自成西安建立咗大順,之後重帶軍攻陷大明國都北京,大明皇帝朱由檢吊頸自殺。李自成響北京做齊儀式,準備做全中國皇帝。之但係佢仍然堅持響北京推行軍法,結果好多人唔滿意佢,所以穩定唔到民心。大清軍說服大明將軍吳三桂投降,喺佢嘅帶領之下入關。李自成入城40日就急急退守到西安,隨後多爾袞迎關外嘅愛新覺羅福臨入關,國都城搬到北京。開始命國人剃髮易服,有好多人反抗。

呢個時候,中國境內,大清、大明同大順三國鼎立。大清入關企穩之後,就向大明同大順推進。大明官員迎福王朱由崧做皇帝。大明想聯大清抗大順,大順不敵,最後敗亡。大清轉移向大明埋手,南下過程中,江南一帶受到血腥鎮壓,揚州十日嘉定三屠。大清一直遇到好大反抗,但係大明朝廷同宗室唔團結,俾人逐個擊破,最後回天乏術,南方各省失手,最後大明皇帝朱由榔(永曆帝,桂王)要敗走緬甸,始終落入大清手裏面。而比較大規模反抗只淨低響臺灣鄭成功,不過1662年魯王朱以海同鄭成功都病死,大明滅亡,1683年,連鄭成功後人鄭克塽都投降,清康熙帝統一中國。

滅亡[編輯]

1911年(清宣統三年)辛亥革命之後,各省都逐一宣佈獨立。清帝溥儀1912年退位,大清正式滅亡。滿清自從入關,有皇帝十二個,統治咗中國268年。

[編輯]

  1. 《清史稿》、卷三、本紀三、太宗本紀二。「崇德元年夏四月乙酉,祭告天地,行受尊號禮,定有天下之號曰大清……」