西魏，係南北朝北方其中一朝，535年由元寶炬立國，557年由拓跋廓亡國，畀北周取代。
534年，北魏孝武帝元修同權臣高歡反面，孝武帝離開洛陽走入關中，投靠掌控當地軍隊嘅宇文泰。高歡之後另立元善見做新君，北魏於是分裂成兩份，高歡嗰邊叫東魏。535年2月，孝武帝畀宇文泰殺咗，之後宇文泰立元寶炬做皇帝，建立西魏。
557年，西魏最後一位皇帝拓跋廓禪位畀宇文泰個仔宇文覺，宇文覺做北周第一任君主，西魏滅亡。
