後梁

後梁嘅版圖用橙色表示

後梁，又叫朱梁，係五代十國頭一個朝代，907年由朱溫立國，923年由朱友貞亡國。

907年，梁王朱全忠（朱溫）迫唐昭宣帝禪位畀自己，後梁建立。912年，朱溫畀自己個仔朱友珪發動政變殺咗。朱友珪第二年又畀人發動政變殺咗。朱友珪嘅細佬朱友貞登基做皇帝。

後梁一直都同晉國（923年變咗做後唐）對立，923年後唐軍打敗王彥章之後，迫近首都大梁，梁軍剩低嘅主力唔喺大梁度，朱友貞知道擋唔住唐軍入大梁，就叫人殺咗自己，後梁滅亡。