後唐

出自維基百科,自由嘅百科全書
跳去導覽 跳去搵嘢

後唐,係五代十國第二個朝代,923年由李存勗立國,937年由李從珂亡國,俾石敬瑭勾結契丹入侵所滅。

後唐嘅前身係唐朝河東節度使李克用開創嘅晉王國。佢個仔李存勗喺923年稱帝,建立後唐,同年滅後梁,以洛陽為首都。926年,後唐莊宗李存勗畀人殺咗,由養子李嗣源繼位,就係後唐明宗。明宗過身之後由佢個仔李從厚繼位,就係後唐閔帝,但係閔帝喺934年畀李嗣源養子李從珂推翻。936年,明宗女婿、河東節度使石敬瑭畀李從珂調去第度,石敬瑭於是起兵作反,用割地換取契丹發兵幫佢,唐軍唔夠打。石敬瑭稱帝,建立後晉。937年1月,李從珂睇見大勢已去,喺洛陽自焚死,後唐滅亡。