後漢
呢篇文講五代時期嘅後漢。想搵漢朝時期嘅後漢嘅話，請睇東漢。後漢（947年—950年）係五代十國第四個朝代。開國君主劉知遠係世居太原嘅沙陀人，原本係五代後晉河東節度使，乘契丹攻陷開封而喺太原稱帝，建國號漢。契丹北撤後，建都汴（家下河南開封）。亡國君主係佢個仔劉承祐。
後漢政權歷時只得兩朝共四年，係五代十國入便國祚最短命嘅政權，主要原因係劉知遠唔識治國，兼且鼓勵大臣用嚴刑峻法，朝中爭鬥激烈，最後佢個仔隱帝俾部屬郭威殺咗。郭威滅後漢而立後周。後漢俾後周郭威所篡後，後漢高祖劉知遠嘅細佬，鎮守晉陽嘅河東節度使劉崇喺太原稱帝，以延漢祚，史稱北漢。
統治範圍包括今日河南、山東、山西、河北南部、湖北北部、陝西北部、安徽北部。
| 後漢 947年—950年 | ||||
| 高祖 | 睿文聖武昭肅孝皇帝 | 劉知遠 | 947年—948年 | 天福 947年 乾祐 948年 |
| 隱帝 | 劉承祐 | 948年—950年 | 乾祐 948年—950年 | |
