三藩之亂

出自維基百科,自由嘅百科全書
跳去導覽 跳去搵嘢

三藩之亂粵拼saam1 faan4 zi1 lyun6)係清聖祖康熙十二年(西元1673年)爆發嘅一場叛亂,歷時八年,到西元1681年結束。呢場係平西王吳三桂諗住用請求撤藩去搏朝廷留佢繼續鎮守雲南,點知朝廷乘機批准撤藩,搞到吳三桂侷住以「反清復明」嘅名義同朝廷宣戰,最後康熙皇帝贏咗。

吳三桂喺雲南起兵反清,殺咗巡撫朱國治,吳軍好快打到湖南。廣西將軍孫延齡同喺福建嘅靖南王耿精忠先後起兵響應吳三桂。

康熙十三年四月十三(西元1674年5月7號),清廷處死吳三桂留響北京嘅仔吳應熊。同年十二月,陝西提督王輔臣響應吳三桂反清。

1676年,平南王尚可喜個仔尚之信投靠吳三桂。同年耿精忠、王輔臣向清朝投降。

1677年,尚之信歸附番清朝。

1678年三月,吳三桂稱帝,國號周。康熙十七年八月十七(西元1678年10月2號),吳三桂病死,由吳應熊個仔吳世璠繼承。吳軍節節敗退,吳世璠退到雲南昆明。康熙二十年十月廿八(西元1681年12月7號),昆明失守,吳世璠自殺吳周滅亡。