南漢

南漢（粵拼：naam⁴ hon³）係五代十國其中一國，領土包括而家嘅廣東、廣西、海南同越南北面，京城番禺，由劉龑響917年立國，本來國號係「大越」，第二年用漢朝劉氏後裔身份改國號做「大漢」，史稱南漢，方便同北漢分清楚。南漢王位傳咗四代，到971年被北宋滅咗。

經濟

南漢係個商業氣息濃郁嘅國家，「嶺北行商至國都，必召示之夸其富」，「每見北人，盛誇嶺海之強」馬端臨話：「宋興，而吳、蜀、江南、荊湖、南粵，皆號富強」。錢多為主，錢少為奴被視為一般嘅準則。

文化

劉鋹嗰時，日日同波斯女等大宮中游宴，「無名之費，日有千萬」。官制亦有特殊規定，科舉被錄取者，若要做官必先淨身，亦即係閹割。喺劉鋹眼中，百官有家有室，有一家大細，肯定唔能夠對皇上盡忠。