嶺南

嶺南係廣東廣西一帶地方，有時亦都包括湖南、江西南面少部份地方。因為嶺南北面有越城嶺、揭陽嶺、萌渚嶺、騎田嶺同埋大庾嶺組成嘅五嶺，阻隔住中原，所以就叫五嶺之南，又或者淨係叫嶺南。嶺南南邊係南中國海，因此一直海上貿易都好發達。因為有高山隔住，有自己一套文化經濟，呢方面同北面中原人好唔同，所以古代中原人就叫呢度做『蠻夷之地』。

嶺南因為響正熱帶同亞熱帶之上，又近大海，所以比起中原地方來講，天氣濕熱。夏天耐唔耐就打風。

嶺南道

嶺南亦係大唐時行政區名，叫嶺南道。管嘅地方大約係定下廣東、廣西兩省，同埋，鄰國越南。去到唐末，有州或郡七十三，都護府一，縣三百一十四。因為大唐時，一時將郡轉做州，一時將州轉做郡，所以嶺南道之下，一地同時有時州名同郡名。而大唐嘅州，就淪為郡一級咁，同大漢時嘅州好唔同，個影響亦反映喺家下地名之上。嶺南道治所喺廣州。

睇埋

• 嶺南文化