珠江

出自維基百科,自由嘅百科全書
珠江,由虎門到廣州
搞清楚 呢篇嘢講嘅係珠江。
  • 想搵由珠江、西江、北江同東江構成嘅成個水系,請睇「珠江水系」。

珠江粵讀:zyu1 gong1英文Pearl River),又叫粵江jyut6 gong1Canton River)或省河saang2 ho4,又有名大江[未記出處或冇根據],係中國廣東嘅一條,出伶仃洋九洲洋,入南中國海

[編輯]

舊時記載裏頭講珠江係指廣州城南一段江,得名自有䊆海珠石喺度[1]

現代珠江水來自多條江河,珠江狹義專指廣州虎門出海,中間經黃埔蘿崗獅子洋虎門等地方。佢中途有東江水注入。

亦有人將珠江當係東江、北江西江三水系嘅總稱,之(特別係其中條西江)舊時喊做「粵江」[2][3]。其一,珠江因為間接受西江、北江水、直接受東江水,所以亦有指係中國第三長,主要流經廣東,長二百四十萬米。其二,珠江凡珠江三角洲裏便各條河,都當係珠江。

遠古時冇珠江,但係有珠海,所以省城古稱南海,嗰時對出係汪洋大海。珠海經三江水千年沖積,成爲珠江三角洲平原。而海以窄成江出海,因而叫珠江。佢嘅上游源頭出自雲南曲靖沾益區馬雄山上邊。

水文[編輯]

珠江各水系

珠江係由省城西南開始。上游有北江喺蘆包西南潭叉支流,加流溪水黃洞水等,幾路前後注入石門山側邊嘅石門水。石門水,向南,屈向東就係珠江。

石門水一出,就畀長洲,一個大沙洲一分為二,北便近城就叫珠江,南便近黃埔一段,因為有波羅廟,就叫波羅江。兩條江會合出獅子洋。以前獅子洋係海面,因為周圍沙積成地,就變成珠江一部份,呢段會流向東後,屈向南準備出海。

東江喺獅子洋西便入珠江。而西江亦叉出條支流,由順德沙灣水,過番禺市橋入埋獅子洋。

東江喺東莞叉一分支,叫到涌水,又係匯入珠江。

珠江到尾,過秀山虎門,再向南,西便見龍穴島積沙,東面見沙角,就係珠江口,水入南中國海


喺亞洲位置[編輯]

[編輯]

  1. 查慎行 (1702). . 城南江中有海珠石是曰珠江
  2. 成鷲; 丁易. . 粵江淼淼一千里庾嶺南來帆如駛舟泊端溪羅隠橋……
  3. 徐松石 (1939). . 中華書局.