白雲山 (廣州)

出自維基百科,自由嘅百科全書

白雲山粵拼baak6 wan4 saan1)係中國廣東廣州白雲區一個山脈,位於廣州市區北部,號稱「羊城第一秀」,因為主峰摩星嶺成日俾白雲掩蓋,所以得名。

佢由卅幾座山組成,呈長方形,南北長9.7公里,東西闊4.5公里,總面積約28平方公里,係東北—西南走向。主峰摩星嶺位於中部,海拔382米。

喺1963年、1986年、2002年同2011年嘅羊城八景入面分別攞咗「白雲松濤」、「雲山錦繡」同「雲山疊翠」嘅名,其中「雲山疊翠」係攞過2次(分別喺2002年同2011年)。呢間公園嘅正門喺廣園中路同廣園東路嘅交界,附近冇幾遠就係麓湖公園雲臺花園

景區[編輯]

摩星嶺
鳴春谷
天南第一峰(鄭先岩)
桃花澗
景泰寺遺址
明珠樓
能仁寺
濂泉

而家嘅白雲山有8個景區,分別係明珠樓摩星嶺、三臺嶺、鳴春谷、飛鵝嶺、雲臺花園麓湖公園、天南第一峰、能仁寺碑林九龍泉蒲谷、柯子嶺、濂泉。喺正門附近重有白雲索道纜車站喺度,遊客可以坐纜車去到山頂。

雲臺花園[編輯]

內文:雲臺花園

雲臺花園係白雲山正門出面嘅一間公園,佢係目前中國最大嘅園林式花園。呢間公園喺1995年9月28號開業。

鳴春谷[編輯]

內文:鳴春谷

鳴春谷係山頂公園嘅一個景區,喺1989年9月開業,佢係中國內地最大嘅天然式雀籠景區。入面養咗5000幾隻150幾個唔同品種嘅雀仔。

雙溪旅舍[編輯]

雙溪旅舍係白雲山頂嘅摩星嶺下邊,喺1964年起好。而牌上面嘅「雙溪」兩個字係由朱德寫嘅。以前周恩來陳毅總理喺1965年5月28號住過呢度。

松風軒[編輯]

松風軒係白雲山嘅杜鵑山嗰度,上面有一嚿大石寫住「松風」兩個字。而呢兩個字係偉大無產階級革命家——陶鑄同志喺在世嗰時讚嘅「松樹style」噉解。由於陶鑄同曾志(陶鑄嘅夫人)都好關注嗰時白雲山係點起嘅,重寫咗快啲搞好座白雲山嘅遺言出嚟。喺陶鑄死咗之後,骨灰就埋咗喺白雲山。而劃喺岩石上邊嘅「松風」呢兩個字係吳作人呢位書法家寫出嚟嘅。

蒲谷[編輯]

內文:蒲谷

蒲谷係白雲山南門附近冇幾遠嘅一個景區,宋元清時期嘅羊城八景講嘅「蒲澗濂泉」就係喺呢度。

景泰寺[編輯]

內文:景泰寺遺址

景泰寺係白雲山嘅景泰坑景區入面嘅一間已經冧咗嘅寺院,而家就得返個遺址響度。呢個寺喺宋、元、明呢三個朝代喺白雲山嘅一間好出名嘅寺,喺羊城八景入面,有「景泰僧歸」嘅名。

摩星嶺[編輯]

內文:摩星嶺 (廣州)

摩星嶺係白雲山嘅卅幾座山入面,最高嘅一座。呢座山嘅山頂重有座指去北京嘅標記同一座發射塔響度。

桃花澗[編輯]

內文:桃花澗 (廣州)

桃花澗係白雲山北邊,梅花園門崗附近嘅一個景區。喺1960年起好,佢按咗東晉時期,陶淵明嘅《桃花源記》嘅諗法而搞出嚟。呢個園區重係雲山八景入面,有「桃園報春」嘅名。其中,明珠樓就喺呢嗰景區入面。附近重有條路可以去到孖髻嶺同元下田、握山村同永泰嗰邊。

天南第一峰[編輯]

內文:鄭先岩

天南第一峰係山頂公園嘅其中一個景區,嗰度嘅原名係「鄭先岩」。相傳喺秦朝尾,鄭安期方士喺呢度住咗之後。有一次上山搵菖蒲結果唔小心跣咗落山,咁啱山崖邊有堆白鶴即刻救咗佢,兜均成個白雲山之後就向東飛走咗。後嚟啲人為咗記得佢,先至喺而家嘅雲岩嗰度整咗間「鄭先祠」,重將每年七月廿四定咗係「鄭先誕」。跟住呢度就俾啲後人話咗係「鄭先岩」喇。呢度每日嚟講都幾多人嚟玩,尤其喺節假日或農曆每年七月廿四號,景區啲遊客多到爆棚咁滯。

摩雲上山路仔[編輯]

摩雲上山路仔係白雲山西邊嘅一條風景路,從鳴泉居度假村雲溪生態公園之間嘅路開始,一直去到山頂嘅摩星嶺嗰度。全長2889m,條路超多彎兼多梯級。半佬可以見到好多樹同野花、雀仔叫同溪流啲水聲響度。據估計,嗰度有6500負離子/m³嘅空氣響度,真正係「山幽水靚,林綠氣清」嘅感覺。

門口[編輯]

而家嘅白雲山一共有16個門口,分別係:

門口 詳細位置 開放時間
(UTC+8)
可唔可以畀機動車入 門類
西南
柯子嶺門 大金鐘路嘅富悅街口斜對面,柯子嶺牌坊巴士站隔籬。 06:00——18:00 正西南門    唔畀 正規門
西
雲溪生態公園門 廣州白雲國際會議中心正對面,鳴泉居度假村嘅南邊同雲溪生態公園北門嘅隔籬。 06:00——22:30    唔畀 半正規細門
西大門 廣州亞加達外國語學校南邊隔籬 24個鐘開放 正西門    可以
21:00——06:00
正規門
荷樹林門 雲溪生態公園南門正對住嘅路口入去2km路程(下坑水庫隔籬) 06:00——17:00 大門:   可以
上山:   唔畀
正規門
廣州外語學院校內門 外語學院東門入去1km嘅路程 06:00——18:00    唔畀 半正規細門
西北
冷凍廠門 廣州白雲冷凍廠入面 08:00——23:00    唔畀 野門
元下田門 元下田村嘅福泰東路,怡園小區附近。 06:00——18:00 正西北門    唔畀 石級門
永泰乒乓體育公園門 元下田村嘅白雲永泰乒乓體育公園入面嘅最東邊 24個鐘開放 正北門    唔畀 山門
東北
握山村門 06:00——18:00 正東北門    唔畀 半正規細門
蟹山門 06:00——18:00    唔畀 石級門
荷樹林門 06:00——18:00    唔畀 石級門
梅花園大門 06:00——18:00 正東門    唔畀 石級門
梅花園細門 24個鐘開放    唔畀 山門
伍仙橋門 伍仙橋甘園路最西邊嘅Y字路口右手邊條路入去行到㞘 06:00——18:00    唔畀 石級門
東南
濂泉門 濂泉路最北邊,北環高速公路經過呢度。 06:00——18:00 正東南門    唔畀 石級門
白雲索道門 廣園中路同廣園東路交界嘅麓湖路口北邊 24個鐘開放 正門
南門
   可以
21:00——06:00
正規門

參考[編輯]

連出去[編輯]