濂泉路

濂　泉　路 LIANQUAN LU

濂泉路嘅路牌（白雲山東南門附近第一個路口嗰嚿）

性質： 一般馬路 全長： 1.16公里 行車線： 廣園東以北：雙向2車道 廣園東以南：2—3車道（南向北單向） 地區： 廣州市天河區 起點： 先烈東路 終點： 白雲山濂泉門（東南門） 主要建築： 廣州現代醫院 廣東益民服裝城

濂泉路（粵拼：lim4 cyun4 lou6）係中國廣東省廣州市嘅一條馬路，喺天河區入面，成條馬路南北走向。南邊從先烈東路開始，一直去到白雲山濂泉門（東南門）口嗰頭。

名

内文：蒲谷

呢條馬路係因為好耐之前，白雲山有條濂泉流過呢度先至改成噉嘅名。

史

條路喺1970年代尾嘅改革開放時期起好，初期係條15m闊嘅馬路，直到2006年，廣州市人民政府先至將廣深鐵路到先烈路段整到26米咁闊嚟環節密集嘅人流。

廣州市公安交警部門為咗緩解內環路東北段同先烈東路成日出現大塞車情況，決定喺2016年3月22號00:00（UTC+8）開始，條路改成凈畀南向北嘅單行線。

概要

全長1160米，闊9—18米，2—3車道，馬路南闊北窄；其中廣園東路以南凈畀南向北行，廣園東路以北係雙行線。另外，廣園東路嗰度有嚿石壆攔住，冇連埋一齊。

經過嘅道路

呢度啲路嘅順序係從南去到北嚟排嘅，其中加粗咗嘅字係主幹道：

• 先烈路
• 先烈東橫路
• 廣園東路
• 蒲澗路

特色

呢條馬路附近都係一片貨運場同服裝嘅集散批發地。尤其係南邊，日日都車水馬龍。而北邊就唔同景，喺平時上班時間嗰時嘅貨運人流比較多，節假日上白雲山啲人比較多。