先烈路 (廣州)
| ||||||||||||||||
| ||||||||||||||||
想搵其他城市入面嘅先烈路嘅話，請睇先烈路。先烈路（粵拼：sin1 lit6 lou6）係中國廣東省廣州市入面嘅一條主幹道，喺東風東路嗰邊開始，一直向東北去到廣州大道中同廣州大道北、禺東西路嘅交界嗰邊。
概要
[編輯]全長3670米，闊大概33米，雙向6—8車道。呢條馬路分開咗南、中、東三條嘅。
史
[編輯]呢條馬路之前係一條黃泥嘅馬路，喺嗰陣時嗌過「東沙馬路」嘅名。不過到咗1921年，廣州市政府決定喺度開馬路，由於附近有座黃花崗七十二烈士墓，所以就將條馬路改咗名嗌「先烈路」。而「先烈」嘅意思就係紀念「辛亥革命嘅勝利」咁解。
先烈路嘅三條道路，起點到終點
[編輯]經過嘅道路
[編輯]呢度啲路嘅順序係從南去到北嚟排嘅，其中加粗咗嘅字係主幹道：
特色
[編輯]一講到呢條馬路，入面有成廿幾個墳墓響度，而且每條路都有「烈士墓」嘅名嘅公園響度。其中先烈南路有廣州起義烈士陵園同紅花崗四烈士墓、葉劍英墓園同興中會墳場響度。而先烈中路有最出名嘅黃花崗七十二烈士墓、庚戌新軍起義烈士墓同華僑五烈士墓響度。而先烈東路就有十九路軍淞滬抗日陣亡將士陵園同新一軍公墓響度。
塞車問題
[編輯]先烈東路近沙河嘅濂泉路口附近，由於有個大型嘅貨運場響度，加上嗰度啲人同埋車都完全塞住嗮。一到咗日頭嘅高峰時段，就塞車塞到爆，同十三行路（人民南路嘅新中國大廈附近）差唔多噉滯。雖然話呢笪地被人投訴過好多次，但係貨運場都未有搬走嘅跡象。