十九路軍淞滬抗日陣亡將士陵園

出自維基百科,自由嘅百科全書
十九路軍淞滬抗日陣亡將士墳園
廣東省文物保護單位
喺邊廣州市天河區
座標23°8′54.66″N 113°18′19.47″E / 23.1485167°N 113.3054083°E / 23.1485167; 113.3054083座標: 23°8′54.66″N 113°18′19.47″E / 23.1485167°N 113.3054083°E / 23.1485167; 113.3054083
近現代重要史跡及代表性建築
時代1933年
4-117
登錄2002年
地圖
Map

 十九路軍淞滬抗日陣亡將士陵園粵拼sap6 gau2 lou6 gwan1 cung4 wu6 kong3 jat6 zan6 mong4 zoeng3 si6 ling4 jyun4 ,簡稱十九路軍墳場sap6 gau2 lou6 gwan1 fan4 coeng4十九路軍烈士陵園十九路軍陵園等,係中國廣東省廣州市嘅一間為咗紀念喺1932年1月28號嘅淞滬會戰犧牲嘅國民革命軍第19路軍將士而起嘅公園,喺天河區水蔭路113號。呢間公園係1933年由華僑負責出錢起。佢係廣州市其中一個愛國主義教育基地。

[編輯]

喺1932年1月28號嘅淞滬會戰,十九路軍嘅將士守住成個中國。之後一班華僑為咗記念喺淞滬會戰犧牲嘅將士,喺1933年整咗個墳場出嚟。墳場喺抗日戰爭嗰時俾日本人搞過。到咗1950年代,喺陵墓周邊種咗啲樹。文化大革命期間再被破壞。

1981年,由於成立咗十九路軍淞滬抗日陣亡將士陵園管理處先至搞咗間陵園出嚟,喺1983年被廣州市人民政府列為廣州市文物保護單位。唔單止噉,喺1989年8月31號俾國務院加咗佢入第二批全國重點烈士紀念建築物保護單位入面。1990年重話咗係全國近代優秀建築單位。喺1991年3月,廣州市人民政府決定重新裝修過個陵園,重起咗一大堆同佢有關嘅紀念建築同接待室、辦公室、茶室同俱樂部,同時重開埋水蔭路出嚟。而裝修工程直到1999年1月先至搞掂。而「愛國主義教育基地」嘅稱號係1994年開始先至有。喺2002年7月,陵園被列入廣東省文物保護單位,重入埋中華人民共和國嘅國家AAA級旅遊景區[1][2]

簡介[編輯]

公園佔地62120㎡,入面有7道烈士紀念物,分別係凱旋門、先烈紀念碑、英名碑、抗日亭、將士墓、戰士墓同先烈紀念館。造型莊重典雅,主體建築都用花崗岩整,係一間有古羅馬建築風格嘅陵園。

景區[編輯]

凱旋門
英烈題名碑
先烈紀念碑
抗日亭
將士墓
戰士墓
先烈紀念館
將軍墓
展覽館
政府維修誌紀念碑
浮雕墻
航空紀念碑
噴水池
東大門

先烈紀念碑[編輯]

先烈紀念碑係喺陵園嘅中軸線北邊。後邊靠住白雲山,佢係呢間陵園嘅主體建築,喺1932年起好。佢嘅佔地面積有2298㎡、高19.2m,佢用咗花崗岩嚟整出嘅仿古羅馬建築風格嘅圓柱體紀念碑。

英烈題名碑[編輯]

英烈題名碑喺陵園嘅中軸線最中間嗰度,佢係一嚿方柱形嘅花崗岩石碑,佔地面積91㎡、高7.7m,碑上面寫住嘅係共計1983位因淞滬抗日戰爭而死嘅十九路軍嗰啲人名,字體係篆體字。

將軍墓[編輯]

內文:蔣光鼐蔡廷鍇

將軍墓係十九路軍總指揮蔣光鼐,同佢嘅軍長蔡廷鍇,呢兩位將軍嘅墓。蔣光鼐同蔡廷鍇將軍嘅骨灰喺1997年嗰時,從北京八寶山搬到嚟呢度葬,呢兩位將軍嘅墓都係用咗天然石嚟整嘅,話佢哋兩位嘅歷史功績都好巴閉吓,甚至話明十九路軍喺抗日戰爭期間,體驗出嘅中華民族嘅奮勇抗爭嘅精神景仰。

抗日亭[編輯]

抗日亭喺陵園嘅中軸線最南邊。佢係一棟由花崗岩砌成嘅牌坊式建築,佔地面積120㎡。喺亭嘅南北門牌上面寫嘅「抗日亭」三個大字,係由「一•二八」淞滬會戰嗰時,做緊抗日將軍同淞滬警備司令嘅人——戴戟喺1932年寫嘅。

戰士墓[編輯]

戰士墓喺陵園嘅西邊。墓區由主墓碑同墓組成,佔地面積1187㎡。主墓碑喺西邊,嗰度重有190嚿水泥棺按嗮順序嚟排嘅。碑上邊嘅「十九路軍淞滬抗日戰士墓」入面嘅題詞係由李濟深負責寫嘅。

將士墓[編輯]

將士墓喺英明碑嘅東邊。佔地面積1875㎡,墓區嘅北邊係一嚿主墓碑,其它嗰202嚿墳都係整齊兼有序噉平放喺墓地度。

凱旋門[編輯]

凱旋門喺公園北邊,先烈路水蔭路交界。佢係仿羅馬風格嘅建築,門樓上面寫住「十九路軍淞滬抗日陣亡將士陵園」12個大字,而門樓後邊重寫住「碧血丹心」四個字。

先烈紀念館[編輯]

抗日紀念館喺陵園嘅東南邊,東大門嘅南邊,佔地面積300㎡。入面搞出嘅展覽係關於十九路軍喺打蘿蔔頭嗰陣點贏嘅。

浮雕牆[編輯]

浮雕牆喺陵園嘅西邊嘅戰士墓北邊,附近有嚿用花崗岩整嘅浮雕墻,長46m,高4.6m,佔地面積1250㎡。嗰嚿浮雕係用咗藝術語言嚟寫低咗喺淞滬會戰嗰時嘅戰鬥場面。

東大門[編輯]

東大門喺陵園嘅東邊,呢個門口喺廣州解放之後,人民政府都好關注點起陵園嘅。1991年,喺維修好成間公園嘅同時,重搞咗佢出嚟。而門口係用咗花崗岩嚟整嘅,闊高各18m嘅20條立柱嘅裝飾響度,個門口幾有歐陸式嘅風格。

噴水池[編輯]

噴水池喺北門廣場嗰度,有羅馬式風格。話明係「革命先烈鐵血御悔嘅愛國主義精神情況下,永遠都有光芒」同「烈士嘅革命精神永垂不朽」噉解。

廣東航空紀念碑[編輯]

廣東航空紀念碑喺陵園嘅西邊,戰士墓嘅南邊。佢係為咗記得中國航空事業人士同埋喺東征、北伐、抗日戰爭入面死咗嘅空軍將士先至搞出嚟嘅嘢。喺1987年,廣州市人民政府先至將呢嚿碑移咗入嚟呢間陵園入面,跟住喺1988年3月先至起好。碑石下邊有劃住孫中山寫嘅「航空救國」4個字,而碑誌上邊有寫住馮如等266位已經死咗嘅航空員啲人名響度。

政府維修誌紀念碑[編輯]

政府維修誌紀念碑喺陵園嘅東南邊,東大門口西邊附近。呢嚿紀念碑係廣州市人民政府喺1999年1月嗰時,搞返好呢間陵園嘅裝修之後,喺1999年12月8號整返出嚟嘅一嚿紀念碑。

展覽館[編輯]

展覽館喺陵園嘅東南邊,東大門嘅北邊。建築面積882㎡,入面專門搞同抗日有關嘅臨時展覽。

附近嘅交通[編輯]

電車

  • 沙河頂站

巴士:

  • 沙河頂站、水蔭路站、十九路軍陵園站

地鐵

[編輯]

出面網頁[編輯]