全國重點文物保護單位

 全國重點文物保護單位（粵拼：cyun4 gwok3 zung6 dim2 man4 mat6 bou2 wu6 daan1 wai2） 係中華人民共和國對唔喐得嘅文物定落最高保護級別——就即係「中國國家級文物保護單位」。根據2002年10月28日嘅《中華人民共和國文物保護法》第十三條規定，中國國務院屬下嘅國家文物局喺省級、市、縣級等等嘅文物保護單位中，揀啲確定為係「全國重點文物保護單位」，仲要由國務院核定。全國重點文物保護單位嘅保護範圍同記錄檔案，要由省、自治區、直轄市人民政府嘅文物行政部門報國務院文物行政部門備案。全國重點文物保護單位係唔畀拆，如果要搬走，要由省、自治區、直轄市人民政府報國務院批准。