石井橋

石井橋
廣東省文物保護單位
喺邊	廣州市白雲區
時代	清朝
冧	4-59
登錄	2002年7月
地圖

石井橋（粵拼：sek6 zeng2 kiu4）喺廣州市白雲區石井鄉石潭路，係清道光十一年（1831年）起嘅五孔石樑橋。橋保存完好，而家重用得。2002年7月，定為廣東省文物保護單位。

形制

橋東西走向，長28米，橫跨石井墟邊嘅石井河。橋兩邊有石欄。原先兩邊橋腳都有亭，歇山頂，綠琉璃瓦，西亭起馬路拆咗，得東亭響處。兩邊橋頭石望柱刻住「道光歲次辛卯」、「石門周合盛造」。橋東石望柱陰刻對聯「彼岸逢黃石 橫江映白沙」；橋西嗰邊係「好進仙人履 能通駟馬車」。橋墩前後有分水尖。

史

清咸豐九年十二月初一（1859年1月4號），幾千個紅毛番鬼嚟石井鄉騷擾百姓，廣州城北啲社學組織民眾抵抗，後尾班紅毛番要退返廣州城。

家陣橋南從西數過第五塊石欄板上邊，重留低英軍砲彈整穿嘅窿。

攷

• 陳建華 等編 (2008)。《廣州市文物普查彙編·白雲區卷》。廣州：廣州出版社。頁 第459頁。 ISBN 978-7-80731-663-3