仁威廟

仁威廟
廣東省文物保護單位
喺邊	廣州市荔灣區
類	古建築
時代	1052年
冧	7-44
登錄	2012年
地圖

仁威廟（粵拼：jan4 wai1 miu2）係中國廣東省廣州市嘅其中一棟專門拜道教真武帝嘅神廟，而呢棟寺廟喺荔灣區泮塘路嘅西邊，南邊隔籬就係荔灣湖公園；北邊隔籬就係卌三中。呢棟廟之前嗌過北帝廟（bak1 dai3 miu2）嘅名。佢係舊陣時嘅南海恩洲十八鄉入面，最古老、最大嘅廟。史籍入面講咗：仁威廟最初喺宋朝皇祐四年（1052年）逳手起。

名

由於泮塘呢帶係嶺南水鄉，成日都種住蓮藕、菱角、茨菇、馬蹄、茭筍呢泮塘五秀先至出咗名。泮塘鄉啲人就為咗多謝有位神仙畀咗啲福氣過嚟，唔使佢哋遇到災難，重對拜山嘅神像幾有神心噉。就係聽話嗰陣時，泮塘有兩位兄弟出咗名，其中兄嘅名係「仁」，弟嘅名係「威」。點知有一日，兄弟兩個去捉魚嗰陣，發現咗嚿怪石響度，就執返都屋入面整咗個神像出嚟，之後佢嘅生活就好順利，想做乜就有乜，後嚟呢件事一傳十、十傳百，就喺10里範圍入面，有幾百位參拜者嚟咗呢度拜。就喺出錢起棟廟嗰陣，鄉人就將間廟改咗名嗌「仁威廟」喇。

史

呢棟廟喺宋朝皇祐四年（1052年）時，嗌咗北帝廟，後嚟改咗名嗌仁威廟。雖然話經過咗幾次裝修同埋重建，喺明朝天啟二年（1622年）、清朝乾隆、同治年間都搞過大規模嘅重新裝修。

喺1963年，呢度就變咗昌華塑膠廠。

文化大革命期間，紅衛兵就按咗上級嘅「破四舊」命令，就將棟廟入面啲神像冚唪唥都打爛嗮，而正門同正殿就變咗昌華塑膠廠嘅車間，東西配殿就變咗某校辦工廠嘅工場。

喺工程霸緊棟廟嗰陣，工廠就亂咁嚟搭，搞到條柱同樑等都出咗嚴重嘅破壞，有啲柱重斜咗，部分樑都爛咗；正殿同拜亭嘅瓦邊都冧咗，要用個架嚟撐住先至得；而樑嘅木雕都俾人整爛咗，有啲工藝雕都甩咗落嚟。

1983年8月，仁威廟俾市政府公佈咗，係廣州市文物保護單位。

1993年底，因為昌華塑膠廠搬走咗。嗰陣時，市政府就將棟廟搞咗大規模嘅擴建同埋維修，重喺間廟嘅前面，起咗個大嘅仁威廟廣場。到咗每年農曆二月初八，就係仁威廟誕喇。

敘述

仁威廟嘅建築係座北向南，東西闊40米，南北深54——60米，佔地2200平方米。跟住條中軸線落去，前後就係頭門、正殿、中殿、後殿同埋後樓；左右邊就係東、西序。

同佢有關嘅俗語

廣州人成日都有呢句俗語同仁威廟有關嘅：

泮塘龍船——借仁（人）威

連出去

• 仁威庙 廣州文史
• 仁威庙沧桑漫话

睇埋

• 華林寺 (廣州)
• 荔枝灣